Naʻe hounga kiate au ʻa e fakamatala naʻe fai ʻe Lia Makelenahena “Ki he ʻElelo Kotoa Pē mo e Kakaí” ʻi he Liahona ʻo ʻOkatopa 2011. Naʻá ne fakamanatu mai kiate au ʻa e tāpuaki makehe ke malava ʻo ako ʻa e ngaahi folofola ʻa e ʻOtuá ʻi he lea fakafonua tatau pē naʻe lea mai ʻaki ʻe heʻemau ngaahi faʻeé. ʻOku toe ʻomai ʻe he fakamatalá ni kiate au ha faingamālie ke vahevahe ʻa e ongoongoleleí mo ʻeku ʻofa ki he Tohi ʻa Molomoná mo siʻoku kaungāmeʻa mamae ʻi Silovēnia. Mālō!

ʻI he uhouhonga ʻo hoku ngaahi ʻahiʻahí, kuó u maʻu ha mālohi ʻi he ngaahi fakamoʻoni, aʻusia, mo e pōpoaki ʻoku ou maʻu ʻi he Liahoná. ʻI he taimi ʻokú ma maʻu ai ʻa e makasiní ʻi he māhina takitahá, ʻoku ou lau mo hoku husepānití ʻa e Pōpoaki ʻo e Kau Palesitenisī ʻUluakí maʻá e efiafi fakafāmili ʻi ʻapí. ʻOkú ma vahevahe ʻema ngaahi fakakaukaú mo e meʻa kuó ma akó. ʻOku ou ʻiloʻi ʻoku ʻofa ʻa e Tamai Hēvaní ʻiate au. ʻOkú Ne tali ʻeku ngaahi lotú. ʻOku ou ʻiloʻi ʻokú Ne fanongo mai kiate au.