Mālō e lelei, ko ʻElika au mei ʻEla Salavatoa
Ko hoku hingoá ko ʻĒlika Z. ʻOku ou nofo he kolo ko Seni Salavatoá ʻi ʻEla Salavatoa, pea ʻoku ou saiʻia he teuteu e ngaahi hingoá ki he ngaahi ouau ʻo e temipalé.
Naʻe kole e kau fafine ʻo e Fineʻofa ʻi homau koló pe te u fie ako hono fakahokohoko fakamotuʻa lea e ngaahi hingoá ʻi he polokalama FamilySearch. Naʻá ku fie tokoni. Naʻe toe fie maʻu foki au ʻe heʻeku faʻeé ke u tokoni, ko ia ne ma kamata ako fakataha leva e founga fakahokohoko fakamotuʻaleá.
ʻI heʻeku fuofua kamatá, naʻe ʻaho kakato ʻeku fakahokohoko ʻa e hingoa pē ʻe hivá. Ka ko e taimi ní, hili ʻeku ngāue mālohi mo akoakó, te u lava ʻo fakahokohoko ha hingoa ʻe 300 he ʻaho pē taha.
ʻOku ou faʻa fakamoleki ha taimi ʻi he fakahokohoko ʻo e ngaahi hingoá ʻi he ʻosi ʻeku ngāue fakaako mei ʻapí. Kiate aú, ʻoku ifo ʻa e fakahokohoko fakamotuʻaleá ʻo tatau mo e vaʻingá pe mamata TV. Ka ʻoku ou ʻilo ʻoku ʻi ai hano taumuʻa lelei ange.
ʻOku ou ʻilo kuo tāpuakiʻi au ʻe he Tamai Hēvaní ʻaki ha faingamālie ke tokoni ʻi hono teuteu ʻo e ngaahi hingoá ki he ngaahi ouau fakatemipale ʻo ha ngaahi kui Salavatoa ʻe 2,000 tupu ʻi he maama tataliʻanga ʻo e ngaahi laumālié.
TĀ ʻO ʻĒLIKA MO E KAU FINEʻOFÁ ko e angalelei ʻa e fāmili ʻo ʻEliká, tuku kehe ia kuo ʻosi fakamahino atú; tā ʻo e Temipale Seni Salavatoa ʻEla Salavatoá naʻe fai ʻe Matthew Reier © IRI