Tubu tiko na Sala ni Kakaburaki ni Momani

E milioni na dauvakarorogo kei na dausarasara e vuravura raraba era sa marautaka tiko na Sala ni Kakaburaki ni Momani, ka dau kaburaki tiko Vakavalagi kei na Sipeni ena 24 na auwa dua na siga, vitu na siga dua na macawa, mai na Lomanibai ni Valetabu mai Salt Lake City, Utah e Amerika.

Na sala ni kakaburaki vakadonui oqo ni Lotu a tavoci ena lima na yabaki sa oti. E vuqa na Yalododonu Edaidai era dau taleitaka me ra wasea vata na lewena kei ira na lewenilotu kei na so tale. Na lewena e sega kina na kacivaki ivoli ka tiko kina e tolu na vosa kei na ivakatagi ena retio kei na vidio eso ni iTukutuku leleka ni Momani.

Raica na Sala ni Kakaburaki ni Momani ena mormonchannel.org ka vakakina ena YouTube, iTunes, Roku, Tumblr, Facebook, kei na Twitter. E tu talega na Free mobile applications me baleti ira na dau vakayagataka na iOS kei na Android.