តម្រូវការនានាដើម្បីលើកទឹកចិត្តសិស្សថ្នាក់សិក្ខាសាលាឲ្យលើកកម្ពស់ដល់ការសិក្សា
តម្រូវការថ្មីមួយសម្រាប់ការបញ្ចប់ថ្នាក់សិក្ខាសាលាដែលនឹងជួយសិស្ស « លើកកម្ពស់ដល់ការសិក្សា » ត្រូវបានដាក់ឲ្យអនុវត្តទូទាំងសាសនាចក្រ។ តម្រូវការនានាដែលដាក់ឲ្យអនុវត្តក្នុងការសិក្សានៅដើមឆ្នាំនេះពីគោលលទ្ធិ និង សេចក្តីសញ្ញា និង ប្រវត្តិសាសនាចក្រ មានរួមចំណុចពីរសំខាន់៖
-
សិស្សថ្នាក់សិក្ខាសាលានឹងតម្រូវឲ្យអានព្រះគម្ពីរដែលពួកគេកំពុងសិក្សាពេញមួយឆ្នាំ បន្ថែមពីលើការទទួលបានពិន្ទុដោយផ្អែកទៅលើវត្តមាន និង ឯកសារគាំទ្រពីប៊ីស្សព ឬប្រធានសាខា ។ ការអានព្រះគម្ពីរត្រូវបានគូសបញ្ជាក់តាំងពីមុនមកហើយ ប៉ុន្តែឥឡូវនេះ តម្រូវឲ្យធ្វើសម្រាប់ការបញ្ចប់ការសិក្សា ។
-
សិស្សនឹងតម្រូវឲ្យឆ្លងកាត់ការប្រឡងវគ្គសិក្សាចំនួនពីរអំឡុងពេលមួយឆ្នាំ ដោយទទួលបានពិន្ទុយ៉ាងយោចណាស់ 75 ភាគរយ ។ ការប្រឡងលើកទីមួយនឹងត្រូវធ្វើឡើងនៅពាក់កណ្តាលឆ្នាំ ហើយការប្រឡងលើកទីពីរនឹងមាននៅចុងឆ្នាំនៃការសិក្សានោះ ។ ការប្រឡងទាំងឡាយនឹងទាក់ទងជាទូទៅលើការយល់ដឹងពីគោលលទ្ធិ និង ការអនុវត្តន៍គោលការណ៍ទាំងឡាយក្នុងជីវិតរស់នៅប្រចាំថ្ងៃ ។
តម្រូវការនានាសម្រាប់ថ្នាក់សិក្ខាសាលាថ្មីគឺ-សិក្សារួមជាមួយនឹងសៀវភៅ ប្រកាសដំណឹងល្អទ្រង់៖ មគ្គុទេសសម្រាប់ការបម្រើជាអ្នកផ្សព្វផ្សាយសាសនា និងកម្មវិធីសិក្សាសម្រាប់យុវវ័យនៅថ្ងៃអាទិត្យ ចូរមកតាមខ្ញុំ — នឹងផ្តល់ដល់យុវវ័យនូវឱកាសដើម្បីប្រែក្លាយខ្លួនកាន់តែនឹងមាំក្នុងទីបន្ទាល់ មានការយល់ដឹងកាន់ជ្រៅជ្រះពីដំណឹងល្អ ហើយបង្កើនសមត្ថភាពដើម្បីចែកចាយចំណេះដឹងរបស់ពួកគេនៅពេលពួកគេរៀបចំជីវិតសម្រាប់ការបម្រើ និងភាពជាសិស្ស ។
នៅរាល់ចុងឆ្នាំ សិក្សានុសិស្សនឹងទទួលសញ្ញាប័ត្រដែលបញ្ជាក់ថា ពួកគេបានបញ្ចាប់តម្រូវការចាំបាច់នានា ( រួមទាំងការអាន និងការវាយតម្លៃនានា ) ឬក៏ទទួលបានសញ្ញាប័ត្រទទួលស្គាល់មួយដែលបញ្ជាក់ថា ពួកគេបំពេញតម្រូវការវត្តមាន ។