Autalavou
Manumalo e ala ia Iesu Keriso
Sa i ai so’u faafitauli o le soona tausami. O le oso faafaama’i o lo’u ai soo na iu ai i se tulaga leaga tele o le tausalaina, ita, ma le faanoanoa. Sa ou lagona le matuai vaivai lava ina ua ou taumafai e faatoilalo lo’u faafitauli.
Mo se taimi umi, sa ou le amanaiaina ai le mea moni e faapea, o le Togiola a le Faaola e le gata ina laveai ai i tatou ae faapea foi ona faaolaina ai i tatou ma faaatoatoaina ai i tatou, ma faapea o lenei mea e faatatau foi i lo’u mausa na iloa lelei lava le le atoatoa o le soona ai.
Sa ou filifili e tuu atu a’u lava i lo’u Faaola. Sa ou tatalo. Sa ou ioeina ma le faamaoni lo’u vaivaiga ma lo’u manaomia o le alofa tunoa, ona ou ole atu lea i le Tama Faalelagi e faamanuia a’u i Lana fesoasoani faalelagi i le aso na sosoo ai. O lena po sa ou lagonaina ai le faamautinoaga a se Tama agalelei e faapea, e i ai Lona naunau lemafuatia e fesoasoani i Lona atalii ma le mana lemafesiligia e faataunuu ai Lona finagalo.
Talu mai lena po, ua le toe i ai se faatosinaga lofituina a meaai ia te a’u. Ou te iloa, o Iesu Keriso o le mafuaaga lea o lo’u faamanuiaina. E pei lava o Paulo, ua ou aoaoina “Ou te mafaia mea uma lava i le faamalosi mai o Keriso ia te a’u” (Filipi 4:13). Ma o loo o’u taumafai ia aua ne’i galo ia te a’u se isi lesona mai ia Paulo: “Faafetai i le Atua, o le na te foaiina mai le manumalo ia te i tatou talu lo tatou Alii o Iesu Keriso” (1 Korinito 15:57).