Temanna riki Sarah

I teimatoa n aki kona ni kabongana au onimaki bwa te kaeka nakon te titiraki ae bebete ae kangai “Bukin tera ko aki moi n te kobee?” N taai akekei I kaeka ma bukina n aron aei “E rangin ni mao” ke “I aki tangiria n tooma.”

Bukin tera I mamaa? Bukin tera I rangin ni maaku n tei ibukin te bwai ae I onimakinna? I tanrikaki ngkai, I aki ataia raoi bwa tera ae I makua. Ma I uringnga raoi ngke I katoka kabonganakin au ekitikiuti ni karabai au kakoaua.

Te bong teuana n au kauarinan n reirei inanon te kiraati n tain te taetae n Imatang, e katanoata te tia reirei bwa ti na mataku n te tamnei n te TV ae I ataia bwa N na aki riai ni mataku iai. Ngkai ataein te reirei ake tabeman a takarua ni kaota kukureia, raoraou n te reirei Sarah e tabeka baina ao tuatua ngkana e kona n nako.

Ngke e titiraki te tia reirei bwa bukin tera, e kaeka Sarah ma te kaeka ae itiaki, “Ibukina bwa ngai kain te Moomon ao I aki mataku n tamnei ma taetaena aika aki riai.”

Ninikoriana ni kamanoa ana onimaki imatan te kiraati e bon kamimi. Te kaitau nakon Sarah, ngai naba I teirake ao n tataninga itinaniku ma te namakin n ata ae eti ao ae bure ibukin te tamnei bwa e na toki.

I bitaki n aki toki. I moanna ni kabwarabwara au koaua n onea mwiin are ko katinanikua te bwai are e marooroakinaki. Ao n tokina, I kunea te koaua inanou ao n iri ana waaki ni kakukurei te Ekaretia ao te reirei aika bati.

I tuai man tuanga Sarah bwa e kanga ana katooto n iai nanona nakoiu, ma I kataia n ira ana katooto n te aki maaku. I kunea ngkai bwa rikim bwa te membwa n ana Ekaretia te Atua ae moan te tamaroa ao n tabu bon akea te bwai ae ko na mama iai. Au kantaninga bwa I kona, rinanon au katooto, ni karaoia ibukin temanna riki Sarah.