Ana mwaitira ana kairoro ae karaoia Tatan n au iango?

E kakoaua te Tama are i Karawa bwa iai inaomatara n rinerine, te konabwai n rinea te raoiroi ke te buakaka. E na bon aki kairoroira ni karaoa te raoiroi, ao te riaboro e aki kona ni kairoroira ni karaoa te buakak (taraa Aia Angareirei Beretitenti n te Ekaretia: Iotebwa Timiti [2007], 214).

Ngaia are, ngkana e roko n am iango, e na mwaiti ana kairoro te riaboro ngkana ko tauraoi n anganna. E taku te Burabeti Iotebwa Timiti, “E aki kona ni kamwaneira Tatan man ana karirii ni karokoa ti kukurei ao ni butimwaia mai inanora” (Angareirei: Iotebwa Timiti, 213). E taku naba, “Akea mwaakan te riaboro iaora tii ngkana ti butimwaia” (214).

N reitaki ma anne, ti tuangaki ni booki aika tabu bwa akea riki temanna irarikin te Atua ae e ataa am iango ao are e nako mai inanom” (taraa D&C 6:16), ngaia are Tatan e aki ataa raoi te bwai are ko iangoia. E tii kona n anga taian kariiri ao ana kamwane. Ma ngkana ko rineia bwa ko na toui mwiin taian kariiri, ena karekea mwaakana ae korakora iaom ao a rikirake riki ni matoatoa taian kariiri. N aron ae ti te arona, ngkana ko totokoa te buakaka ao n rinea te raoiroi, ko na kakorakoraki ao ni kakabwaiaki.