Buka a Moromona i roto 110 reo

Aita i maoro a‘e nei, ua nene‘ihia te Buka a Moromona i roto i te reo Kosraea, ua iritihia îa te Buka a Moromona i teie nei i roto 110 reo. Kosraea, e fenua ïa no Mocronesia.

E roaa mai te Buka a Moromona nene‘ihia na roto i te reo Kosraea i te ava‘e tiurai 2015. I te ava‘e mati e roaa mai te mau papa‘iraa uira i ni‘a i te LDS.org, e i roto i te Gospel Library e te mau matini afa‘ifa‘i. Te haapuroro nei te Ekalesia i teie nei i te mau papa‘iraa uira o te mau papa‘iraa mo‘a i te taime atoa a hoponohia ai te mau papa‘iraa no te mau buka i te vahi neine‘iraa. Na roto i te reira, e ti‘a ïa i te mau melo ia farii ‘oi‘oi i te mau papa‘iraa mo‘a iriti-apî-hia.

E rave rahi huriraa apî o te mau papa‘iraa mo‘a o te faaarahia i roto i na matahiti e piti e fâ mai nei. E toru ana‘e huriraa apî o te Buka a Moromona e e pae huriraa hau atu o na buka e toru (te Buka a Moromona, te Buka Fafau e te Buka Poe tao‘a Rahi e nene‘ihia i roto hoê noa iho buka) o te nene‘ihia i te matahiti 2015. Te mau melo e paraparau i te reira mau reo, e faaarahia’tu ïa ratou i te taime e nene‘ihia ai te papa‘iraa uira.