U&P ia Elder e te tuahine Bednar

Te ani-manihini-hia’tu nei te feia apî na te ao atoa nei, ia amui mai i roto i te hoê aparauraa uiuiraa mana‘o e o Elder A. Bednar no te Pŭpŭ no te Tino Ahuru Ma Piti Aposetolo, e ta’na vahine o Susan.

E nehenehe te feia apî e amui atu i roto i te aparauraa i te 12 no Me 2015, i te hora 6 i te ahiahi (hora mou‘a), na roto i te mata‘ita‘iraa i ni‘a i te LDS.org, te api LDS Facebook a te Feia apî, te tahua natirara ‘Youth Activities’ (Ohiparaa a te Feia Apî) (lds.org/youth/activities), e aore ra, te api Mormon Channel i ni‘a ia YouTube. E iriti-atoa-hia te haapurororaa na roto i te reo paniora, Potiti, Italia, Helemani, Farani, Rusia, Korea, Tapone e te Tinito.

Te faaitoitohia’tu nei te feia apî ia faatae atu i te mau uiraa i ni‘a i te tahua natirara ‘Youth Activities’ na mua a‘e e i te taime a tupu ai te reira; e nehenehe atoa ta ratou e pee i te aparauraa na roto i teie numera #LDSface2face.

« Te faaitoito atu nei matou i te feia apî, a faaineine ai ratou ia ratou no teie ohipa, ia imi i te arata‘iraa a te Varua a feruri ai ratou i te mau uiraa ta ratou e hinaaro e ui », te parau îa a Elder Bednar. « Mai te mea e, e parahi mai te Varua i piha‘i iho ia tatou, e haapii amui îa tatou paatoa ».