Wala Damha nga Pangutana sa Interbyu

Human sa akong misyon naglisud ko sa pagpangita og trabaho. Sa katapusan nainterbyu ko. Ang posisyon nindot nga oportunidad, apan nabalaka ko nga dili igo ang akong kahanas. Ang akong turno sa interbyu miabut, ug naglingkod ko nga gikulbaan atubangan sa manedyer. Sa akong pagpasiplat sa iyang lamesa, akong nakita ang papel nga dunay mga pangutana nga iyang ipangutana sa mga aplikante. Mikuba ang akong kasingkasing. Ang mga pangutana migamit og lisud nga mga terminolohiya.

Nakita sa manedyer ang akong résumé ug nagsugod sa pagpangutana sa akong kasinatian sa trabaho. Sa dihang iyang nabasahan ang “full-time missionary,” mihangyo siya nga ako siyang sultihan kon unsay akong gitudlo sa misyon.

Gihisgutan nako siya mahitungod sa mga propeta, ang plano sa kaluwasan, ug ang mahangturong mga pamilya. Mipahiyom siya ug miingon, “Gusto kong mouban ka ug makigkita sa akong pamilya.”

Gikuha niya pag-usab ang papel nga dunay mga pangutana sa interbyu. Mibalik ang akong kakulba. Nangutana siya, “Duna ka bay kapuy-an dinhi sa Manila?” wala na siya maghulat sa akong tubag ug miingon, “Nan, kinahanglan kang mangita. Magsugod ka ugma.”

Kadto usa ka milagro. Dili gayud ako makalimot kon sa unsa nga paagi nga ang pagserbisyo og misyon nakatabang nako sa akong interbyu sa panarbaho.