Noda Tabana
Daukaulotu Goneyalewa, mai vei Abril S., yabaki 9, Mexico
Va na gonetagane mai na dua na tabanalevu mai Argentina eratou papitaiso vata ga ena dua na siga. E tucake vata tu kei iratou na nodratou bisovi (tu e lomadonu).
O taciqu tagane kei na dua na itokani ni matavuvale e rau ciqoma na nodrau veikacivi kina kaulotu. Keitou a draiva me walu na auwa kina valetabu mai Freiberg, Jamani, me rawa ni rau laki ciqoma na nodrau edaumeni ni valetabu.
Keitou a tiko kina me lima na siga me rawa kina neitou matavuvale me qarava e levu tale na cakacaka ena valetabu. Tiko e dua na bure ni vulagi ena lomanibai ni valetabu. E so tale na gonelalai kei au keitou a vukea na dausasamaki ni lomanibai ni valetabu, ka qai solia vei keitou o koya e so na asikirimu. Keitou a marautaka sara.
Au sa vakanamata tu oqo kina yabaki mai oqo niu sa na yabaki 12 kina ka sa rawa kina vei au meu laki cakava e so na papitaisso ena valetabu.
Alicka S., yabaki 11, Slovakia
Au vakavinavinaka vei kemuni na Kalou
Au vakavinavinaka vei kemuni na Kalou ena vuku ni rarama,
Ni vakararamataka na siga kei na bogi.
Au vakavinavinaka vei kemuni na Kalou ena vuku ni vunikau,
Ia rau dau vakamamadataka na kaukauwa ni liwa ni cagi.
Au vakavinavinaka vei kemuni na Kalou ena vuku ni veika tale so au sega ni rawa ni cavuta kece sara.
Ia, au kila e vuni yaloqu ni ko ni a buli au me vaka oqo.
Dina ni sega soti beka ni vinaka na noqu itagede ni bula,
Kevaka meu na bula tikoga au sa na yalo vakacegu kina.
Nisha J., yabaki 10, Palau