Tutu ni Taro
Na cava ko dau taleitaka vakalevu duadua ena nomu sa lewena tiko na Lotu?
Au taleitaka ni ena gauna ni sakaramede eda na taura na madrai kei na wai ena vakananumi kei Jisu Karisito. Na madrai e vakananumi keda ena yagona, kei na wai e vakananumi keda ena Nona dra Ena noda sa taura tiko na sakaramede, eda rawa ni bobo ka vakananuma na veika kece sa cakava baleti keda o Jisu Karisito.
Ava J., yabaki 9, North Carolina, Amerika
Au sa taleitaka me baleta ni rawa me tawamudu na noqu matavuvale. (Renee)
Rawa ni tiko noqu itokani, rawa niu wili ivolanikalou ena veisiga, au rawa ni vulica na kosipeli. (Ralph)
Renee kei Ralph E., rau yabaki 9 kei na10; mai Metro Manilla, Yatu Filipaini
Au dau taleitaka niu vakila na Yalo Tabu. Au dau vakila vakalevu na Yalo Tabu niu vakarorogo ki na veivosa e dau tau kei na lesoni e dau vakavulici. Au dau vakila talega ni vukei ira tale eso.
Kaylee C., yabaki 7 Virginia, Amerika
Na ka au dau taleitaka sa ikoya ni rawa meda vuli ka qito ena gauna vata ga, ka da rawa ni vulica e levu na ka baleti Jisu Karisito. Au taleitaka na vulica na veika baleti Koya baleta ni o koya na noqu iVakabula. (Liz)
Au taleitaka meu vulica na veika baleti Jisu, kau kila ni o Jisu e lomani keda. (Lalo)
Liz kei Lalo S. yabaki 8 kei 6, Kalifonia, Amerika
Au taleitaka na lako ki na Lalai kei na lagalaga sere.
Hayden H., yabaki 5, Utah, Amerika
Au taletaka na vulica na veika baleti Jisu Karisito kau taleitaka na lako ki na Lalai ka sotavi ira noqu itokani.
Catherine W., yabaki 7, North Carolina, Amerika
Au taleitaka niu rawa ni sotava e levu noqu itokani vou kau rawa ni vakavulici ira noqu itokani ka ra sega ni lewenilotu ena kosipeli. Au rawa ni rogoca ka sarava na koniferedi raraba ka vakarorogo vei ira na parofita kei na iApositolo ni ra vosa. Na lotu ni matavuvale sa gauna taleitaki sara baleta ni rawa ni da lako kina ka laki gunu asikirimu. Mmmaleka!
Savannah H., yabaki 12, Wasigitoni, Amerika.