Na Sala e Veimaroroi

iVakatakilakila

Images from the April 2013 general conference.

E vaka me sega ni oti rawa na nona vinakata na iVakabula me liutaki keda yani na veimaroroi. Ka sa tiko na kena ivakadinadina ni Nona vakaraitaka tiko na sala oqori. E veikacivi o Koya ena levu sara na sala me rawa ni yacovi ira yani kina e dodonu mera na ciqoma. Na veigaunisala oqori e na muria ga na itukutuku ena gusudra na Nona parofita ena gauna sa ra bula dodonu kina na tamata mera tiko maliwai ira e dua na parofita ni Kalou O ira na italai sa vakadonui oqori era na veivakasalataki vei ira na tamata ka tukuna vei ira na sala kei na veimaroroi.

Ni sa tubucake na tiko veisei mai na Vualiku kei Misossouri, e Amerika ena vula itubutubu ni yabaki 1838, sa qai kaci na Parofita o Josefa Simici vei ira kece na Yalododonu mera vakasoqoni vata yani kina Yasayasa Vaka- Ra mera laki maroroi kina. E lewe levu era tu duadua ena veiloga ni teitei ka so ena itikotiko lalai, ka ra tu wavoki tu e kea. Vakatabakidua nona vakasalataki Jacob Haun ka a tekivutaka na itikotiko e Haun’s Mill. E dua na kena italanoa e vakakoto oqo: “Sa vakauta na itukutuku o Baraca Josefa vei Haun ka a taukena tu na Mill me tukuna vei ira na veitacini era vakaitikotiko kina mera sa biubiu ka lako kina Yasayasa Vaka-Ra, ia o Ratu Haun e sega ni laki vakadewataka na itukutuku o ya” (Philo Dibble ena Early Scenes in Church History,” in Four Faith Promoting Classics [1968], 90) E muri sa qai vola tu o Parofita Josefa Simici ena nona itukutuku: “Me yacova mai na siga nikua na Kalou sa solia vei au na vuku meu vakabulai ira na tamata ka ra na talairawarawa ki na ivakasala. E sega sara ga ni dua e a mate ni ra vakamuria na noqu ivakasala” (iTukutuku ni Lotu, 5:137) Sa qai vola na Parofita na ka dina ka rarawataki ni ra mate o ira ka dodonu mera bula mai na Hauns Mill kevaka me a laki soli ka vakamuri na noqu ivakasala.

Ena gauna oqo eda sa vakasalataki ena ivakasala ena vanua eda maroroi kina mai na ivalavala ca kei na rarawa. E dua na ki ni kena na kilai na ivakaro vakaoqo na kena kilai ni na tokaruataki. Kena ivakaraitaki, e sivia na dua na gauna ena koniferedi raraba oqo, ko ni sa rogoca kina na parofita ni kaya ni na cavuqaqataka na ka e a sa kaya e dua na parofita mai liu ka na wili kina vaka ikarua ni ivakadinadina ka so na gauna sa kena ikatolu. … A vola o Paula vei ira na kai Koronica ka kaya: “Ena vakadinadinataki na vosa kecega ena gusu ni vakadinadina e lewe rua se lewe tolu.” (2 Korinica 13:1). E dua na sala e rawa ni da kila kina ni ivakasala sa mai vua na Turaga sa ikoya na lawa ni ivakadinadina, na ivakadinadina sa vakadonui e sa yalataki mai. Ni sa vaka e tokaruataki na nona vosa na parofita sa dodonu me yadrava na noda rai ka vakasinaita na yaloda ena vakavinavinaka ni da bula donuya na gauna oqo. …

E lomani keda na Tamada Vakalomalagi. A tala mai na Luvena e Duabauga me noda iVakabula. E kila o Koya ni ena noda bula vakayago eda na sotava na veika rerevaki na kena ka ca duadua mai na veitemaki mai na daunivere ca sara. Oqo e dua na vuna sa vakarautaka tu kina na iVakabula na idola ni matabete baleta ni o ira e tiko na daligadra mera na rogoca, vakabauta mera na talairawarawa ka lako yani kina vanua ni veimaroroi