Vakasama ni Lotu Vakamatavuvale
Na ilavelave oqo era umani tu kina na itukutuku kei na itaviqaravi e rawa ni ra vakayagataki ena lotu vakamatavuvale. Oqo e rua na kena ivakaraitaki.
“Era a Raici Koya,” tabana 58: Ni dou wilika oti vakamatavuvale na itukutuku oqo, e rawa ni dou veivosakitaka na sala eso e rawa ni dou ivakadinadina bula kina kei Karisito ni dou se bera mada ga ni raici Koya e matamudou. E rawa ni o vakasamataka eso na ka mo toro volekata kina na iVakabula me vaka nomu vaqara na madigi ni veiqaravi vei ira na ise ena nomu itikotiko, vulica me baleta na nona bula na iVakabula ena gauna ni vuli ivolanikalou, veimei me rawa kina vei rau na veiwatini me rau lako ki na valetabu, se vukea e dua na itokani e vakaleqai tu. E rawa talega ni o sarava na vidio ena mormon.org/easter ka vakananuma vakatitobu na kena bibi o Karisito kei na Nona Tucake tale ena noda bula.
“Vakavakarau ki na Valetabu e Veisiga,” tabana 69: E rawa ni o vakasamataka me dua “na bogi ni tuvakawa kei na valetabu” me baleta na lotu vakamatavuvale. E rawa ni o vulica na kena tuvai vakamatanivola na yaca me baleta na ivolatukutuku ni matavuvale se veivosakitaka na bibi ni cakacaka vakalotu ni valetabu ka raica na iyaloyalo ni valetabu e veiyasai vuravura. Kevaka o tiko volekata e dua na valetabu, e rawa ni o dau gade ki na lomanibai ni valetabu ka veitalanoataka na kena rawa ni vakavolekataki keda vei Tamada Vakalomalagi na valetabu ka da vakila na Nona loloma.