Layunin ng Relief Society

Na-update na ng Relief Society ang mga pananalita sa pahayag na layunin nito. Nakasaad na ngayon doon na, “Ang Relief Society ay tumutulong na ihanda ang kababaihan para sa mga pagpapala ng buhay na walang hanggan kapag naragdagan ang kanilang pananampalataya sa Ama sa Langit at kay Jesucristo at sa Kanyang Pagbabayad-sala; palakasin ang mga indibiduwal, pamilya, at tahanan sa pamamagitan ng mga ordenansa at tipan; at sa pakikiisa sa pagtulong sa mga nangangailangan.”

Ang pahayag ay nagpapakita ng karagdagang mga ideya na tutulong sa mga babaeng Banal sa mga Huling Araw na maunawaan ang banal na pagkatao, walang-hanggang gawain, at layunin ng bawat babae sa Relief Society.