Elda Carlos A. Godoy

Long ol let 1980, Elda Carlos A. Godoy i jes rilis olsem wan bisop. Hemi graduet long kolej, i bin wok blong wan gudfala kampani, mo hem i ting se laef i hemia nao—kasem taem we wan olfala fren blong hem i kam visitim hem.

Fren ia i kongratuletem hem, be afta, i askem wan kwestin we i mekem tingting blong hem i trabol: “Sapos yu gohed blong laef olsem we yu stap laef long hem naoia, ?bae ol blesing we God i promesem long petriakel blesing blong yu, bae oli kamtru, o no?”

Elda Godoy i bin luksave se hem i nidim blong mekem ol jenis sapos hem i wantem blong kasem evriwan long ol blesing we God i bin promesem hem. Nomata we hem i glad olsem we hem i stap, hem i disaed blong go from wan masta digri. Hem i lego wok blong hem, i salem evri samting we hem i gat, mo wetem famli blong hem, oli aot long Brasil blong hem i go long skul long Yunaeted Stet.

Elda Godoy, we oli putum hem i go long presidensi blong Olgeta Seventi long 31 Maj 2018, i talem se eksperiens ia i tijim hem plante abaot fasin blong trastem plan blong Lod mo blong glad blong aot long gudfala laef blong hem.

“Mi save se Lod i gat wan plan blong yumi long laef ia,” hem i bin testifae olsem long Oktoba 2014 Jeneral Konfrens. “Hem i save yumi. Hem i save wanem i bes blong yumi. Jes from ol samting oli stap go gud, i no minim se bae, wanwan taem, bae yumi lukluk se i gat wan samting o no, we i gud moa blong mekem.

Elda Godoy, oli bin sastenem hem olsem wan Jeneral Atoriti Seventi long 5 Epril 2008. Hem i stap naoia olsem wan Presiden blong Saot Amerika Not Wes Eria mo bae i statem seves blong hem insaed long Presidensi blong Olgeta Seventi long namba 1 Ogis 2018.

Bifo long koling blong hem long Olgeta Seventi, Elda Godoy i bin wok olsem wan man paoa risos maneja blong tufala bigfala kampani bifo hem i statem kampani blong hemwan. Hem i kasem wan digri long saed blong ekonomi mo politik saens long Sao Paolo Pontifikal Katolik Yunivesiti long 1987, mo wan masta digri long oganaesesen fasin long Brigham Yang Yunivesiti long 1994.

Elda Godoy i bin go long fultaem misin long Brasil Sao Paolo Saot Misin, i stap olsem wan bisop, wan hae kaonsela, wan rijen welfea ofisa, Eria Seventi, mo Presiden blong Brasil Belém Misin.

Hem i bin bon long Porto Alegre, long Brasil, long namba 4 Febwari 1961. Hem i maredem Mônica Soares Brandao long Maj 1984, mo tufala i gat fo pikinini.