Elda Matthew L. Carpenter

Elda Matthew L. Carpenter i tingbaot fas taem ia we hem i bin luksave se hem i filim Tabu Spirit. Taem hem i yang boe, samples seven yia olsem, hem i bin sidaon long junia Praemeri. Wan laet i stap kam insaed long rum, mo hem i gat wan filing we i wom, we hem i no save long hem bifo.

“Mi filing i pul insaed long hat blong mi—i no from se mi harem i wom,” hem i talem. “Mi save se God i ril; mi bin filim hemia.”

Taem hem i bin gat 11 yia, hem i go long wan sesen blong Jeneral Konfrens long Sol Lek Tabenakol, wetem papa blong hem. I fas taem we hem i stap long semfala rum olsem wetem wan profet, Presiden Joseph Fielding Smith.

Hem i talem: “Taem mi bin luk hem, Spirit i testifae long mi se hem i wan profet.”

Simpol konfemesen ia long spirit taem hem i yangfala, i bin helpem hem blong lukluk i go long Spirit blong i gat paoa blong lidim hem truaot long laef blong hem.

“Testemoni blong mi i no wan eksperiens wetem ol enjel,” Jeneral Atoriti Seventi ia i talem; oli bin sastenem hem long 31 Maj 2018, “be hem i kam antap mo i jenis wetem taem.”

Matthew Leslie Carpenter, i bon long Sol Lek Siti, Yuta, YSA, long 21 Oktoba 1959; papa mo mama i, Leone Erekson mo Robert Allred Carpenter. Hem i yangfala pikinini aot long eit, mo hem i groap long wan haos wetem faef bigfala sista.

Long las manis blong hem long hae skul, hem i mitim “Shelly” Brown. Tufala i stat deit be frensip blong tufala i stap saed from hem i go long misin long Swis Jeniva Misin stat long 1979 kasem 1981. Taem hem i kambak, kapol ia i mared long Sol Lek Tempol long 9 Julae 1982. Tufala i papa mo mama blong faef pikinini.

Elda Carpenter i kasem digri long faenens long Brigham Yang Yunivesiti mo wan masta blong bisnes administresen digri long Harvard Bisnes Skul. Hem i bin manejing daerekta blong Foundation Specialty Financing Fund.

Elda Carpenter, i bin wan bisop, wan kaonsela long wan bisoprik, wan stek Yang Man presiden, wan hae kaonsela, stek presiden, mo wan Eria Seventi.