Mga Balita sa Templo

Ang Simbahan nagplano nga motukod og 12 ka bag-ong templo, gipahibalo ni Presidente Russell M. Nelson sa iyang panapos nga pakigpulong sa kinatibuk-ang komperensya (tan-awa sa pahina 113). Gipahibalo usab niya ang mga plano sa pag-ayo sa Templo sa Salt Lake ug sa uban pa nga “pioneer nga henerasyon” nga mga templo, midugang nga ang mga detalye ihatag sa dili madugay.

Ang mga templo pagatukuron sa Mendoza, Argentina; Salvador, Brazil; Yuba City, California, USA; Phnom Penh, Cambodia; Praia, Cape Verde; Yigo, Guam; Puebla, Mexico; Auckland, New Zealand; Lagos, Nigeria; Davao, Philippines; San Juan, Puerto Rico; ug Washington County, Utah, USA.

Upat ka mga templo ang hapit na ipahinungod: ang Concepción Chile Temple sa Oktubre 28; ang Barranquilla Colombia Temple sa Disyembre 9; ang Rome Italy Temple sa semana sa Marso 10 ngadto sa Marso 17, 2019; ug ang Kinshasha Democratic Republic of the Congo Temple sa Abril 14, 2019.

Ug duha ka mga templo ang bag-o lang nga gipahinungod pag-usab: ang Houston Texas Temple gipahinungod pag-usab niadtong Abril 22, 2018, ug ang Jordan River Utah Temple gipahinungod pag-usab niadtong Mayo 20, 2018.