Nganong Aduna Man Kitay mga Miting sa Korum ug Relief Society?

Niining ulahing mga adlaw, ang Dios mipahiuli sa priesthood ug miorganisar sa mga korum sa priesthood ug sa Relief Society aron makatabang sa pagtuman sa Iyang buhat sa kaluwasan. Tungod niini, sa matag Dominggo nga magpundok kita diha sa mga miting sa elders quorum ug sa Relief Society, maghisgot ug magplano kita unsa ang atong buhaton aron makatabang nga matuman ang buhat sa Dios. Aron mahimong epektibo, kini nga mga miting kinahanglang sobra pa kay sa mga klase lang. Mga oportunidad kini sa pagtinambagay bahin sa buhat sa kaluwasan, magkat-on og dungan mahitungod niana nga buhat gikan sa mga pagtulun-an sa mga lider sa Simbahan, ug magplano ug mo-organisar sa atong kaugalingon sa pagtuman niini.