Bag-ong Iskedyul alang sa 2019

Sugod sa Enero 2019, ang mga miting sa elders quorum ug Relief Society ipahigayon lamang sa ikaduha ug ikaupat nga mga Dominggo sa matag bulan. Kini nga mga miting motutok sa mga mensahe gikan sa labing bag-o nga kinatibuk-ang komperensya. Ang mga sugyot sa pagtudlo alang niini nga mga miting makita diha sa Mayo ug Nobyembre nga kinatibuk-ang komperensya nga mga isyu sa Ensign ug Liahona ug sa Gospel Library app.

Ang ubang mga kausaban nga magsugod sa 2019 naglakip sa mosunod:

• Ang mga miting sa konseho sa Unang Dominggo hunongon. Hinoon, kon gikinahanglan, ang mga elders quorum ug mga Relief Society mahimong mogamit og usa ka bahin sa miting sa ikaduha o ikaupat nga Dominggo aron makigtambag mahitungod sa usa ka importanting hilisgutan.

• Ang mga pangbukas nga kalihokan [opening exercises], diin magtapok ang mga korum sa Aaronic ug Melchizedek Priesthood o magtapok ang mga babaye sa Relief Society ug young women, dili na himoon.

• Ang mga miting sa elders quorum ug Relief Society dili sugdan og pangbukas nga himno o pag-ampo apan tapuson og panapos nga pag-ampo.