Ngaahi Kongokonga Lalahi mei he Konifelenisi Lahi Fakavaeuataʻu Hono 189
Naʻe toutou fakahoko ʻe he kau taki ʻo e Siasí ʻa ia naʻa nau lea lolotonga e konifelenisi lahí, ʻa e fakaafe ke hoko —ke hoko ʻo fiefia ange, ke hoko ʻo māʻoniʻoni ange, ke hoko ʻo hangē ange ko e Fakamoʻuí, pea ke tokoni ki he niʻihi kehé ke nau fai ʻa e meʻa tatau.
‘Ikai ngata aí, ka naʻa nau fai ʻa e liliu ko iá ke tau lava ʻo aʻusia kotoa ia.
Naʻe akonaki ʻa Palesiteni Lāsolo M. Nalesoni ʻo pehē, “ʻOku finangalo ʻa e ʻEikí ke maʻu kotoa ʻe Heʻene fānaú ʻa e ngaahi tāpuaki taʻengata ʻoku maʻu ʻi Hono temipalé, … ko e moʻui taau fakafoʻituitui ke hū ʻi he fale ʻo e ʻEikí, ʻoku fie maʻu ha teuteu fakalaumālie fakafoʻituitui lahi. Ka ʻi he tokoni ʻa e ʻEikí, ʻoku ʻikai ha meʻa ia ʻe taʻemalava.”
Ko Hono Aʻusia ʻo e Fiefiá mo e Māʻoniʻoní
Naʻe fakaafeʻi ʻe Palesiteni Nalesoni kitautolu takitaha ke tau moʻui taau mo e ngaahi tāpuaki ʻo e temipalé (vakai, peesi 120).
Naʻe fakamatalaʻi ʻe Palesiteni Henelī B. ʻAealingi ʻa e fehokotaki ʻi he vahaʻa ʻo e tupulaki ʻi he māʻoniʻoní mo e tupulaki ʻi he fiefiá (vakai, peesi 100).
Naʻe akoʻi mai ʻe ʻEletā D. Toti Kulisitofasoni ʻa e founga ke maʻu ai “e fiefia ʻa e kau māʻoniʻoní” (vakai, peesi 15).
Ko ha fakaafe ke ʻOfa mo Vahevahe
Naʻe akoʻi mai ʻe Palesiteni Nalesoni ʻa e mahuʻinga ʻo e ʻofa ki hotau kaungāʻapí mo fakaʻauliliki mai ʻa e ngaahi ngāue tokoni ʻofa fakaetangata kafakafa ʻa e Siasí (vakai, peesi 96).
Naʻe fakamatalaʻi mai ʻe ʻEletā Tieta F. ʻUkitofa ʻa e mālohi ʻo hono fakaafeʻi ʻo e niʻihi kehé ke “haʻu ʻo mamatá” (vakai, peesi 86).
Naʻe fakamatalaʻi ʻe Sisitā Kilisitina B. Felengikou ʻa e fiefia ʻi hono vahevahe ʻo e ongoongoeleleí (vakai, peesi 83).
Ko hono Fakamālohia ʻo e Toʻu Tupú
Naʻe fakafeʻiloaki ʻe he palōfitá ʻa e ngaahi liliu ki he houalotu ʻa e toʻu tupú ʻa ia te ne poupouʻi ʻa e toʻu tupu ʻi he kau palesitenisī fakakōlomu mo fakakalasí ke nau tuʻu hake ʻo tatakí (vakai, peesi 38).
Naʻe ʻomi ʻe ʻEletā Kuenitini L. Kuki ʻa e founga ʻe ngāue fakatakimuʻa ai ʻa e Lakanga Taulaʻeiki Faka-ʻĒloné (vakai, peesi 40).
Naʻe vahevahe ʻe Sisitā Poni H. Kōtoni ʻa e ngaahi liliu ki he houalotu ʻa e Kau Finemuí (vakai, peesi 67).
Ko hono Langa ʻo e Ngaahi Temipalé; Ko hono Langaki Kitautolú
Naʻe fanongonongo ʻe Palesiteni Nalesoni ha temipale foʻou ʻe valu lolotonga e fakataha ʻa e houʻeiki fafiné (vakai, peesi 120).
ʻI he hoʻatā Sāpaté, naʻá ne akoʻi fekauʻaki mo e moʻui taau ke hū ʻi he temipalé pea fakafeʻiloaki ʻa e ngaahi fehuʻi lekomeni temipale naʻe fakaleleiʻí (vakai, peesi 120).