200 Tausaga o le Malamalama
I se aso matagofie ma le manino i le 200 tausaga talu ai, sa ulufale ai se alii talavou i se togavao ma le faamoemoe e saili le faamagaloga ma tatalo po o fea o lotu e tatau ona ia auai. Mai se faaaliga faavavega, sa ia iloa ai e le tatau ona ia auai i se isi o na lotu. Ona faailogaina ai lea o le amataga o le Toefuataiga o le talalelei a Iesu Keriso — o se faagasologa o loo faaauau pea i o tatou aso.
I le lomiga lenei, tatou te faamanatuina ai le 200 tausaga o le malamalama:
-
Ua aoao mai e Peresitene Russell M. Nelson le auala e mafai ai e le faapotopotoina o Isaraelu i itu uma e lua o le veli ona saunia i tatou ma isi mo le Afio Mai Faalua o le Alii (itulau 6).
-
Ua faaali mai e Elder LeGrand R. Curtis Jr. le ala ua saofaga ai Au Paia o Aso e Gata Ai i le Toefuataiga faifai pea—ma le ala e mafai ai e i tatou taitoatasi ona saofaga atu (itulau 18).
-
Mo le autalavou, na faasoa mai e Elder Neil L. Andersen ni upumoni se lima e mafai ona tatou aoaoina mai i le Uluai Faaaliga (itulau 52).
A o tatou aoao mai i upu a lo tatou perofeta ma tala o Au Paia faatuatua, tau ina ia tatou oo atu i le malamalama e tasi na faia e le Perofeta o Iosefa i le 200 tausaga ua mavae: o le Tama Faalelagi ma Iesu Keriso o ni tagata ola moni e alolofa ia i tatou. Ma ia tatou faasoa atu lena malamalama i a tatou uo ma tuaoi.
Ma le faamaoni lava,
Elder Randy D. Funk o le Fitugafulu
Faatonusili o Mekasini a le Ekalesia