![]()
រូបភាព
young adult looking at two paths
ខ្ញុំគឺជាអ្នកដាក់ផែនការ ។ ខ្ញុំចូលចិត្តដឹងពីអ្វីដែលត្រូវរំពឹងទុកជារៀងរាល់ថ្ងៃ ដើម្បីខ្ញុំអាចរៀបចំសម្រាប់វា ។ ប៉ុន្តែ តើខ្ញុំអាចរៀបចំដោយរបៀបណាសម្រាប់ពេលអនាគត ពេលដែលវានៅឆ្ងាយ ហើយមិនប្រាកដប្រជា ?
ជីវិតគឺធំល្វឹងល្វើយណាស់ ។ មានអ្វីៗជាច្រើននៅខាងមុខ ! មានអ្វីៗជាច្រើនដែលអាចកើតឡើង ! មានអ្វីៗជាច្រើនដែលខ្ញុំអាចធ្វើបាន !ជួនកាលលទ្ធភាពមានច្រើនលើសលុប ។
មានអ្វីៗជាច្រើនដែលខ្ញុំចង់បាន ៖ ស្វាមីមួយ ការងារល្អមួយ រស់នៅបរទេស ធ្វើជាម្ចាស់ឆ្មាមួយ សរសេរប្រលោមលោក រៀនភាសារុស្សី…ប៉ុន្តែខ្ញុំក៏ដឹងដែរថា បំណងប្រាថ្នា និងគោលដៅនានាផ្លាស់ប្ដូរ ។ អាទិភាពផ្លាស់ប្ដូរ ។
អាទិភាពមួយដែលត្រូវតែមិនដែលផ្លាស់ប្ដូរនោះគឺ ការតាំងចិត្តរបស់យើងចំពោះព្រះ និងផែនការរបស់ទ្រង់ ។ ជាមួយនឹងចក្ខុវិស័យឃើញជាមុនរបស់ទ្រង់ យើងអាចបត់បែនតម្រង់ទិសអនាគតដែលពោរពេញដោយសំណួរទាំងឡាយបាន ដោយសារទ្រង់នឹងជួយយើងរកឃើញចម្លើយមួយជំហានម្តងៗ ។ យើងគ្រាន់តែត្រូវធ្វើការជ្រើសរើសដ៏ល្អបំផុតដែលយើងអាចធ្វើបានជាមួយនឹងជំហាននីមួយៗ ។
នៅក្នុងវគ្គនេះ យុវមជ្ឈិមវ័យចែកចាយពីបទពិសោធន៍ផ្ទាល់ខ្លួនរបស់ពួកគេ អំពីរបៀបដែលពួកគេដាក់ផែនការសម្រាប់អនាគតរបស់ពួកគេដោយមានជំនួយរបស់ព្រះវរបិតាសួគ៌ និងរបៀបដែលពួកគេឈានឆ្ពោះទៅមុខដោយសេចក្ដីជំនឿ ពេលប្រឈមនឹងភាពមិនច្បាស់លាស់ជាច្រើន ។
ពេលនិយាយពីអនាគត មានសំណួរជាច្រើន ប៉ុន្តែនោះគ្រាន់តែមានន័យថា មានសក្ដានុពលជាច្រើន ។ យើងក៏មានសក្ដានុពលដែរ—ជាសក្ដានុពលដើម្បីក្លាយដូចជាព្រះវរបិតាសួគ៌ និងព្រះរាជបុត្រាទ្រង់ ព្រះយេស៊ូវគ្រីស្ទ ។
ហើយវាធ្វើឲ្យអនាគតរបស់យើងគឺរុងរឿង ។
មេគ យសថ៍