Epikopo L. Todd Budge

Ina ua maea ona auauna atu i le 18 masina o se Fitugafulu o le Pulega Aoao, sa lagolagoina Epikopo L. Todd Budge o le fesoasoani lua i le Au Epikopo Pulefaamalumalu. Ua suitulaga o ia ia Epikopo Dean M. Davies, o le ua valaauina e avea ma Fitugafulu o le Pulega Aoao.

Sa faauu Epikopo Budge mai le Iunivesite o Polika Iaga i le 1984 ma se faailoga o le tagata malaga tau i le tamaoaiga. Sa faigaluega o ia i le Kamupani a & Bain i Iapani; Citibank, N.A.; ma le GE Capital i Iapani ma Atalana, Georgia, ISA. Sa avea o ia ma peresitene ma faatonusili aoao o le Tokyo Star Bank Limited i le 2003, sa auauna atu o se taitaifono o faatonu o le faletupe mai le 2008 i le 2011. Sa avea foi o ia o se sui auai o le fono faatonu o le Hawaiin Airlines.

I se tasi taimi i lona soifuaga, a o mafaufau epikopo Budge e sui ana matata faalegaluega, sa ia maua se fautuaga taua. “Tatou te manaomia ni tagata e i ai le amiosa’o i mea tau pisinisi,” na tau atu ai e se faiaoga faufautua ia te ia, ma faaopoopo atu o lona ala faalegaluega o le a tuuina atu ai ia te ia le tele o avanoa e fautuaina ma fesoasoani ai i tagata.

O le mea moni, sa tuu atu e le galuega a Epikopo Budge, le tele o avanoa e avea ai ma se faatosinaga mo le lelei i le lalolagi faapisinisi, e aofia ai le tatalaina o faitotoa e faasoa atu ai le talalelei i Iapani, lea na ia auauna atu muamua ai o se faifeautalai i le Misiona a Iapani Fukuoka. Mulimuli ane sa avea o ia ma Peresitene o le misiona a Iapani Tokyo.

“O tala fiafia o le talalelei,” sa ia aoao atu ai, “e le o le folafolaga o se olaga e saoloto mai faanoanoaga ma faigata ae o se olaga e tumu i faamoemoega ma uiga—o se olaga lea e mafai ai e o tatou faanoanoaga ma puapuaga ona “tofatumoanaina i le olioli ia Keriso.’ [Alema 31:38].”¹

Sa soifua mai ia Lawrence Todd Budge i le aso 29 o Tesema, 1959, i Pittsburg, Kalefonia, ISA. Sa ia feiloai ia Lori Carpenter a’o la tausaga muamua i le Iunivesite o Polika Iaga. Sa la faaipoipo ia Aperila 1981 i le Malumalu o Logan Iuta. O i laua o ni matua o se fanau e toaono.

A o lei valaauina o ia o se Fitugafulu o le Pulega Aoao, sa auauna atu Epikopo Budge o se Fitugafulu Eria, peresitene o le siteki, failautusi faapitoa a le siteki, peresitene o Alii Talavou a le siteki, epikopo, ma le peresitene o le korama a toeaina.