Polokalama i Luga o le Initoneti o le Lisi mo Talosaga i le Malumalu

Ua uma ona fatuina se polokalama i luga o le initoneti e faataga ai tagata o le ekalesia e auina atu igoa o aiga po o uo i le malumalu, mo le faamoemoe ia tuu na igoa i luga o le lisi mo talosaga. O talosaga e tuu se igoa i lisi mo talosaga o le malumalu ua mafai nei ona faia e ala i le asiasi atu i se itulau o faamatalaga a le malumalu i le ChurchofJesusChrist.org/temples ma kiliki i le sootaga o le lisi o talosaga. E mafai foi ona faia talosaga e ala atu i le vaega o “Malumalu” o le polokalama feaveai o Meafaigaluega a Tagata o le Ekalesia. E taina loa i totonu igoa, o le a auina atu loa i lena malumalu (po o le malumalu o loo faaaoga e sili ona lata ane).

O tagata o le tele o tapuaiga latou te tatalo mo e pele ma isi e feagai ma ma’i po o isi mafatiaga. O loo faamatala mai i tusitusiga paia faataitaiga o taimi na tatalo ai Iesu Keriso i vaega ma apoapoai atu ia i latou sa i ai ia tatalo. O le faiga lava foi lea e tasi ua matauina i le malumalu, lea e aufaatasi ai tagata o le Ekalesia i le faatuatua ma le tatalo, ole atu i le Atua e faamanuia tagata taitoatasi o loo i luga o le lisi mo talosaga.