Ua Faasilasila Mai Suiga o Au Taitai

I le taimi o le konafesi aoao ia Oketopa 2020, sa fofogaina mai ai se sui fou o le Au Peresitene o le Au Fitugafulu, se uso fou o le Au Epikopo Pulefaamalumalu, ma ni Fitugafulu Eria se toafa.

Sa lagolagoina Elder Brent H. Nielson o se tasi o le Au Peresitene o Fitugafulu, ina ua mavae le faamalologa a Elder L. Whitney Clayton, o le sa tuuina atu i ai le tulaga faamamaluina. Ua avea nei Elder Patrick Kearon ma Peresitene Sinia o le Au Fitugafulu, o le tofiga lea na umia talu ai e Elder Clayton.

Sa lagolagoina Elder Dean M. Davies o se Fitugafulu o le Pulega Aoao, ina ua maea ona faamalolo mai o le Fesoasoani Muamua i le Au Epikopo Pulefaamalumalu. Sa lagolagoina Epikopo W. Christopher Waddell e suitulaga ia Elder Davies i le avea ai ma Fesoasoani Muamua i le Au Epikopo Pulefaamalumalu, ma o Epikopo L. Todd Budge, o le sa faamalolo mai o se Fitugafulu o le Pulega Aoao, sa lagolagoina e avea ma Fesoasoani Lua (o le tofiga na umia talu ai e Epikopo Waddell).

Sa faamaloloina mai foi ia Elder Enrique Falabella ma Elder Richard J. Maynes o ni Fitugafulu o le Au Pulega Aoao ma sa tuuina atu i ai tulaga malolo faamamaluina.

O loo maua tala ooto o soifuaga o taitai ua filifilia e amata atu i le itulau lenei. Sa fofogaina mai ai foi le faamaloloina o Fitugafulu Eria e 47, ma le valaauina o Fitugafulu Eria e toafa (tagai i le itulau e 30).