Elder Dean M. Davies

A o malaga atu i le fale i lana taavale mai le galuega i le 1989, sa maua Elder Dean M. Davies i se mafuie i San Francisco, Kalefonia, ISA, na matua galulu lana taavale. Mulimuli ane, a o ia manatunatu loloto i taunuuga na faaleagaina ai le eria, sa ia manatua ai le taua o le fausia o o tatou olaga i luga o se faavae mautinoa.

“E leai lava se tasi o i tatou o le a fausiaina ma le iloa o tatou fale, nofoaga o galuega, po o fale paia o tapuaiga i luga o se oneone, po o lapisi, po o le le leai o ni fuafuaga ma ni meafaufale talafeagai. “Sei o tatou taliaina le valaaulia a le Faaola ina ia o mai ia te Ia. Sei o tatou fausia o tatou olaga i luga o se faavae saogalemu ma le mautinoa.”¹

O Elder Davies, o le sa auauna atu i le Au Epikopo Pulefaamalumalu talu mai Aperila 2012, sa lagolagoina o se Fitugafulu o le Pulega Aoao i le aso 3 o Oketopa, 2020. I le Au Epikopo Pulefaamalumalu, sa avea Elder Davies ma Fesoasoani Lua ia Epikopo Gary E. Stevenson, o le sa lagolagoina o se uso o le Korama a Aposetolo e Toasefululua i le aso 3 o Oketopa, 2015. Ona lagolagoina lea o Elder Davies e avea ma fesoasoani muamua ia Epikopo Gérald Caussé, lea na suitulaga ia Elder Stevenson, e avea ma Epikopo Pulefaamalumalu fou.

Na soifua mai Dean Myron Davies i le Aai o Sate Leki, Iuta, ISA, i le 1951. Ina ua uma ona auauna atu o se faifeautalai faamisiona i le misiona a Iurukuei/Parakuei, sa ia faaipoipo atu ia Darla James i le 1973 i le Malumalu o Sate Leki. E toa 5 o la’ua alo ma fanau a fanau e toa 17.

Ia Iulai 1995, sa amata ona oa faigaluega mo le Ekalesia, lea sa avea o ia ma pule faatonusili o le Matagaluega o Galuega Faatino Faapitoa, faatasi ai ma le tiutetauave mo faamoemoega faapitoa o fanua, mamanu o malumalu, ma le fausiaina o malumalu. A o lei faigaluega i le Ekalesia, sa faigaluega Epikopo Davies mo le High Industries, Inc., o Lancaster, Penisilevania, ISA, ma Bechtel Investments, Inc., o San Francisco. Sa ia maua se faailoga o le tagata malaga i mataupu tau faatoaga i le Iunivesite o Polika Iaga ma faamaeaina ia polokalama faalepulega maualuga atu i Iunivesite o Stanford ma Northwestern.

Sa auauna atu Epikopo Davies o se peresitene o le Misiona a Puerto Rico San Juan, fesoasoani i le peresitene o le misiona, peresitene o se siteki, fesoasoani i le peresitene o se siteki, failautusi faapitoa a le siteki, fautua maualuga, ma i le tele o au epikopo.