Elder Brent H. Nielson
Au Peresitene o Fitugafulu
O se tasi o lesona taua na aoaoina e Elder Brent H. Nielson ina ua tuua e se tagata o le aiga le Ekalesia mo ni nai tausaga e faapea e manaomia e fanau uma a le Atua le alofa o le Faaola ma le mana faamalolo o Lana Togiola.
A o suesueina le Luka 15 faatasi ma lona aiga i le taimi lea, sa faalogo ai Elder Nielson i le faataoto i le atalii faamaumau oa i se auala fou.
“Mo ni nai mafuaaga, ou te fesootai lelei ai lava i taimi uma i le atalii sa nofo i le fale. … I lena taeao, sa ou iloaina ai i nisi o auala o a’u o le atalii faamaumau oa, “o lana tala lea. “E le oo uma i tatou i le mamalu o le Tama (tagai i le Roma 3:23). E manaomia e i tatou uma le Togiola a le Faaola e faamalolo ai i tatou. O i tatou uma ua leiloloa ma e manaomia ai ona maua.”1
Sa lagolagoina Elder Brent Hatch Nielson e avea ma se uso o le Au Peresitene o Fitugafulu i le aso 3 o Oketopa, 2020, ina ua mavae le faamalologa o Elder L. Whitney Clayton, o le sa tuuina atu i ai le tulaga faamamaluina.
Sa soifua mai Elder Nielson i Burley, Idaho, ISA, i le aso 8 o Tesema, 1954. A o avea ma se alii talavou, sa ia auauna atu i se misiona i Finelani. Na faaipoipo o ia ia Marcia Ann Bradford ia Iuni 1978 i le malumalu o Sate Leki. O i laua o ni matua o se fanau e toaono.
Na maua e Elder Nielson se faailoga o le tagata malaga i le Igilisi mai le Iunivesite o Polika Iaga i le 1978. I le 1981 sa ia maua ai se faailoga o le fomai o tulafono mai le Iunivesite o Iuta. Na ia galue mulimuli ane o se loia ma se paaga i se kamupani loia i Twin Falls, Idaho, ISA, mo le toeitiiti atoa le 30 tausaga.
Sa avea Elder Nielson o se fesoasoani i le Eria o le Pasefika ma le eria a Filipaina, ma sa avea foi ma Peresitene o le Eria a Filipaina. Mai le 2015 i le 2020, sa avea ai o ia ma Pule Faatonusili o le Matagaluega o Faifeautalai.
A o lei valaauina o ia o se Fitugafulu o le Pulega Aoao ia Aperila 2009, sa ia auauna atu o se peresitene o Alii Talavou a le uarota, epikopo, fautua maualuga, fesoasoani i se au peresitene o le siteki, peresitene o le siteki, ma se Fitugafulu Eria i le Eria o Idaho.