Juon Bok Em̧ōj an Publish Ekāāl n̄an Kabun̄ in ilo Aolepān Laļ in

Ro jeiū im jatū rejitōn bōro,

Membōr ro an Kabun̄ eo an Jisōs Kraist ilo Raan Ko Āliktata jemaron̄ lo ilo laļ ko ipeļaakin laļ in. Men̄e jej kōnono kōn elōn̄ kajin ko, jej juon wōt ilo kijejeto ko ad n̄an ļoor Rilo̧mo̧o̧r, im jej lan̄lōn̄ ilo ad jeļā bwe kōj aolep jej ajri ro nejin Anij.

Jān tōre ko jinointata an kar jepļaaktok Kabun̄ in, bok ko kar publish i āinwōt māākjiin ko an Kabun̄ in rekar rie membōr ro ilo kijejeto ko aer n̄an ekkatak, mour, im kwaļo̧k gospel eo an Jisōs Kraist. Ennaan ko reim̧we remaron̄ jipan̄ membōr ro koneek ippān ritōl ro an Kabun̄ in im ippān doon. Kōn juon ikdeleel n̄an kōdepakpakļo̧k kōjeraam̧m̧an ko n̄an elōn̄ļo̧k ajri ro nejin Anij, jej m̧ōņōņō in kwaļo̧k māākjiin in jinointata kōn Liaona eo ekāāl n̄an kwe.

Oktak ko jet n̄an māākijiin ko an Kabun̄ in ekoba publication ko rekāāl n̄an ajri im jodikdik ro ipeļaakin laļ in. Kajjojo iaan māākjiin ko—Liaona eo, N̄an Kōkajoorļo̧k Jodikdik ro, im Eo Jera—enaaj rejtake Itok, Ļoor Eō kein ekkatak ko an jeje ko rekwojarjar me rej rie ekkatak kōn gospel ilo m̧weo im̧ōm̧. Māākjiin kein rej barāinwōt pojak im elōn̄ ilo digital channel ko.

Jibadbad eo an māākjiin ko ejja jon̄an wōt juon: n̄an jipan̄ ajri ro nejin Anij bwe en ļapļo̧k aer oktak tok n̄an aer Rilo̧mo̧o̧r, Jisōs Kraist. Jej kam̧m̧oolol kōn ikdeleel eo am̧ n̄an ekkatak im mour kōn gospel eo, im jejeļā kōn māākjiin kein renaaj jipan̄ eok ilo kijejeto ko.

Ilo kautiej,

Būreejitōnji eo Kein Kajuon