Ewi wāween an Ekkatak kōn Bwebwenato an Kabun̄ in Maron̄ Kōkajoorļo̧k Tōmak eo Aō

Pija

illustration of African woman with basket on head

Pija ko jān Getty Images

Āinwōt juon rijikuuļ in high school ilo Turōk in Africa, ekar itok limoū in ekkatak kōn bwebwenato ko. Ke ikar etal n̄an university, ikar bōk juon aō degree kōn bwebwenato. Āinwōt juon rijikuuļ in jemenere im innem institute, ekar itok limoū kōn aolepān kūlaaj ko ikar bōki, ak eļaptata an kar itok limoū kōn Katak im Bujen Ko kōnke ej kwaļo̧k tok kadkadin bwebwenato an Kabun̄ in n̄an eō. Ilo iiō ko ļo̧k, ekar itok limoū ilo riiti bok in bwebwento ko an Kabun̄ in—bar bok ko jet me rej kwaļo̧k kōn unin kōnono ko reppen ilo bwebwenato ko ad. Ke ikar wōnm̧aanļo̧k wōt im ekkatak kōn bwebwenato an Kabun̄ in jān elōn̄ kain kein jipan̄ ko, tōmak eo aō make ekar kajoorļo̧k. Erkein jilu wāween ko rekar waļo̧k.

Bwebwenato an Kabun̄ in ej letok kōļmenļo̧kjeņ n̄an n̄a, eļaptata n̄e ej itok n̄an imminene ak tōmak ko etto, ekoba mo̧ ko kōn priesthood eo im kōjeraam̧m̧an ko an tampeļ. Ke ikar jino in ekkatak ijeņ ekar juon tōre eo me kar kamo̧ik rikilmeej ro jān aer kabwijer priesthood eo, tōmak eo aō ekar jab kajoor. Ewi wāween an Kabun̄ in me eļap aō iakwe kar dāpij ak bōbrae rikilmeej ro jān aer kabwijer priesthood eo? Jet armej rekar kajjieon̄ kwaļo̧k jet kōmeļeļe ko me rej watōki rekar jet katak ak jān jeje ko rekwojarjar. Men kein rej kapok im kōm̧m̧an eļap inepata.

Jet tōre, ekar juon kōmeļeļe in bwebwenato me ekar meļeļe im ekar bōktok aenōm̧m̧an. Ilo kadkadin bwebwenato eo an Kean̄ jān Kabun̄ in 2, n̄an waanjon̄ak, ej kōmeļeļe bwe Josep Smith ekar kapit jet iaan em̧m̧aan ro rekilmeej ak ritōl ro an Kabun̄ in rekar kōbōjrake an leļo̧k priesthood n̄an rikilmeej ro etto ilo bwebwenato an Kabun̄ in. Innem kar kōm̧m̧ane ennaan in eaorōk: “Rekoot ko an Kabun̄ in rejjab letok lukkuun alikkar in meļeļe ko n̄an Rekoot ko an Kabun̄ in ej leļo̧k en̄jake ko rejjab alikkar n̄an lukkuun imminene in”¹ Unin Kōnono ko an Essay ko kōn Gospel in² im bok ko jet an Kabun̄ in rej letok eļapļo̧k meļeļe im jekjek ko jet kar kobaiktok āinwōt m̧ōttan bwebwenato an Kabun̄ in.³ Kōmeļeļe ko an Kabun̄ kein reļļaaj im melij ippa im ekar kōkajoorļo̧k tōmak eo aō.

Bwebwenato an Kabun̄ in ejipan̄ eō bwe in kam̧m̧oolol ro im̧aanļo̧k jān kōj. Menin em̧ool n̄e juon ej ļōmņak kōn jipan̄ ko an membōr ro “retinwadik” rekar kōm̧m̧ane. N̄an waanjon̄ak, m̧ōnjar ko jinointata me rekar ekkal ilo aolepān Turōk in Africa, Zimbabwe, im Zambia ilo 1950 jima ko im 1960 jima ko rekar ekkal jān jāān in jipan̄ ko an membōr ro. Bōk kain̄i ko rekwojarjar emenin aikuj eļapļo̧k wūjlepļo̧k. Jeļā bwe enaaj bōk elōn̄ iiō ko m̧okta jān an lōn̄ tampeļ ilo Africa, elōn̄ membōr ro rekar wia kake m̧weik ko aer, ekoba m̧ōko m̧weer, bwe en maron̄ wōr aer jāān n̄an aer etal n̄an tampeļ im bōk koņaer ilo kain̄i ko rekwojarjar. Kabun̄ in ilo laļ eo an Africa ej ekkal ilo tōmak an membōr ro etto ro ekar jabwe ippāer ak rekar wūjlepļo̧k eļap jān jon̄an. N̄e ij riiti rekoote ak bwebwenato ko aer, tōmak eo aō ej kajoorļo̧k im aō ikdeleel n̄an wūjlepļo̧k eļap.

Pija

illustration of African continent

Bwebwenato an Kabun̄ in ej kōketak eō bwe in erom̧ juon rijeje im rikōjparok jōnōļ. Ritōl ro an Kabun̄ in ekar kōketak bwe in jeje jōnōļ im kōjparoki. Etke? Kōnke bwebwenato an Kabun̄ in ej juon rekoot in “jekjek in mour, … tōmak, im jerbal ko” an membōr ro an (lale Katak im Bujen Ko 85:2). N̄e ij riit bwebwenato an Kabun̄ in, āinwōt bwebwenato ko rekāāl an Kabun̄ in, Saints, Eļap aō bwilōn̄ kōn bok kein repojak im elōn̄ ippād kōn wōt jōnōļ, leta ko, im rekoot ko jet an membōr ro retinwadik ro jinoin an Kabun̄ in. Bwebwenato ko aer rekar kōketak eō bwe in erom̧ juon rijeje jōnōļ eo em̧m̧anļo̧k, bwe in jipan̄ rikōm̧m̧ani bwebwenato ko n̄an peba im bok juon bwebwenato em̧ool an Kabun̄ in ilo Africa.

Ebarāinwōt juon kōjeram̧m̧an an juon make itok jān riiti bwebwenato ko an Kabun̄ in im kajjieon̄ kōjparok rekoot ak bwebwenato ko ad make. Āinwōt Būreejtōn Henry B. Eyring, Rikakpilōklōk eo Kein Karuo, ekar katakin, Eļap aō jeraam̧m̧an in lo im keememej pein Irooj ilo mour eo aō im ilo ro uwaan baam̧le eo aō.⁴ Ememļo̧kjeņ in ej kōkajoorļo̧k naan in kam̧ool eo aō im kōļapļo̧k maron̄ eo aō n̄an jelm̧ae idajon̄jon̄ ko ilo mour in. Ke ij kōjparok rekoot ak bwebwenato ko aō make im ļōmņak kōn rekoot ak bwebwenato ko an membōr ro jet an Kabun̄ in, ij jino loe jon̄ak eo eļap an Irooj ilo An kar kōjepļaaktok Kabun̄ in An im aelōn̄ in kiin̄ eo An ilo raan ko āliktata.

Katak ein im elōn̄ ko jet itok jān ekkatak kōn bwebwenato an Kabun̄ in rekar letok eļapļo̧k n̄an eddōkļo̧k eo aō make ilo jetōb. Katak kein rej barāinwōt letok n̄an eō peran n̄an jojomar e tōmak eo aō kōnke imeļeļe etke jej kōm̧m̧ane ta eo jej kōm̧m̧ane. Jeļā kōn jekjek in bwebwenato an Kabun̄ in kōn elōn̄ tōmak im imminene ko ekar kōm̧m̧an bwe in juon rūkaki eo em̧m̧anļo̧k im juon rikaļoor eo em̧m̧anļo̧k.