Camille N. Johnson
Būreejtōn eo Eutiej an Būraimere
Camille N. Johnson ekar joļo̧k mour eo an ekkatak naan ko, kainōknōk er, im kōjerbali n̄an jipan̄ armej ro ņa mejļan jorrāān ko ilo jerbal eo an elōn̄ļo̧k jān 30 iiō ko āinwōt juon lawyer. Im liin ekōn aolep iien lo eļap aenōm̧m̧an ilo naan ko an jeje ko rekwojarjar. Liin ej watōk jekjek ko an jeje ko rekwojarjar ilubwilijin ro m̧ōttan rem̧m̧an tata.
Ekab wōt, n̄e liin im ļeo pāleen raar em̧m̧akūtļo̧k n̄an South America n̄an tōl Peru Arequipa Mijen eo jān 2016 eo n̄an 2019 eo, liin ekar ikdeelel n̄an kōnono. An kar jan̄in de kar ekkatak kajin Spanish, liin ekar jar n̄an maron̄ kōnono ippān mijenede ro an im armej ro bwe ren en̄jake iakwe eo an n̄an er im naan in kam̧ool eo an kōn Bok in Mormon.
“Ikar lōke ilo Irooj im kar pedped wōt ioon Jetōb eo n̄an kwaļo̧k iakwe eo aō im naan in kam̧ool eo n̄e naan ko rej kalikjabe eō. Ej juon katak eo em̧m̧an im im̧we ikar ekkatak n̄an ‘jab atartar ioon jeḷāḷọkjeṇ eo [aō] make’ [Jabōn Kōnnaan Ko 3:5] ak kwon leļo̧k aolep n̄an aō Rilo̧mo̧o̧r.”
Ilo iaļ eo ļo̧k liin ekar bar ekkatak juon m̧ool eļem waan an gospel eo: “Ej kōn Rilo̧mo̧o̧r eo ej iakwe, iakwe āinwōt Rilo̧mo̧o̧r eo, im kōtļo̧k bwe iakwe im Pinmuur eo an Jisōs Kraist en jerbal ilo mour ko ad.”
Sister Johnson ekar jeraam̧m̧an kōn iakwe eo n̄an mijenede ro an mijen 552 im kiiō ej en̄jake an būruōn ļapļo̧k n̄an iakwe juon milien ajri ro me liin ewōr an eddo ioer.
“Ij lo̧udin̄din̄ kōn iien in em̧m̧an n̄an ekkatak jān ajri ro me rej juon kein kakeememej kōn iakwe eo erreo an Jisōs Kraist,” liin ekar ba.
Camille Neddo Joshnson ekar ļotak ilo Jeptōm̧ba 12, 1963 eo n̄an Hal im Dorothy Neddo ilo Pocatello, Idaho, USA. Liin ekar m̧areik Douglas R. Johnson ilo 1987 eo ilo Salt Lake Tampeļ. Ewōr jilu nejier ajri ro. Liin ekar kadiwōjļo̧k jān University of Utah kōn English ilo 1985 eo jān University of Utah S. J. Quinney College of Law eo io 1989 eo.
Sister Johnson ekar jerbal āinwōt juon ward būreejtōn an Doulul eo an Jiron̄ ro, ilo ward būreejtōnji ko an Doulul eo an Kōrā im Būraimere ko, im āinwōt juon rūkaki in Gospel Doctrine eo.