Elder S. Mark Palmer

Elder S. Mark Palmar enaaj indeeo kam̧m̧oolol kōn lan̄lōn̄ eo im kōjatdikdik eo ekar loe ilo jerbal in tampeļ im kain̄i ko. Juon kūr n̄an jerbal wiik otemjej ilo Dallas Taxes Tampeļ eo ippān lio pāleen, Jacqueline, ilo juon iien epoub tata in mour ko aer ekar jipan̄ Elder Palmer bar karōk menin kōttōpar ko aer raorōk tata. Jerbal ilo tampeļ ekar katakin e kaarmejete, karōk, im kōjepaan wōt juon im kar jipan̄ er kakeememej bujen ko an im erom juon ļeo pālele im baba eo em̧m̧anļo̧k. Jerbal in tampeļ ekar kakeememej e kōn jekjek indeeo an baam̧le im lan̄lōn̄ eo ilju im jekļaj an koba ippān ro rejitōn bōro, ekoba sister eo an ekar ilo an kar juon iiō.

Jerbal ilo tampeļ ekar barāinwōt jipan̄ Elder Palmer kōppopo ilo jetōb n̄an kūr ko an ilo priesthood eo ilju im jekļaj, ekoba āinwōt juon uwaan Būreejtōnji eo an Jiljilimjuonn̄oul eo. Elder Palmer, kar rejtake ilo Eprōl 3, 2021, im enaaj jino ilo eddo ko an ilo O̧kwōj 1, 2021.

Stanley Mark Palmer ekar ļotak ilo Pāpode 11, 1956 eo ilo Te Puke, Bay ilo Plenty, New Zealand, n̄an Kenneth im Jill Palmer. Baam̧le eo an raar kobatok ilo Kabun̄ in ke ekar juon ajri wōt.

Ālkin jerbale mijen eo an aolep raan ilo New Zealand Wellington Mijen, ekar bōk juon bachelor degree in commerce ilo Univeristy of Auckland ilo 1979 eo im juon master in business administration ilo Brigham Youjg University ilo 1982 eo. Ke ekar jokwe ilo Provo, Utah, USA, ekar ioon juon mijenede ekar ro̧o̧l kar etan Jacqueline Wood. Rekar m̧are ilo 1981 eo, ilo Salt Lake Tampeļ. Palmer ro ewōr nejier 6 ajri ro im 16 jibwier.

Elder Palmer ej būreejtōn eo an SMP Ventures ro, juon real estate development company ekar loe ilo Austin, Texas. USA. Ekar jerbal āinwōt juon bisop, stake būreejtōn, būreejtōn an Washington Spoken Mijen (2009–12), iterim būreejtōn an Australia Sydney South Mijen (2014), im Eria Jiljilimjun̄oul eo.

Kar rejetake āinwōt juon Ritōl Eutiej Jiljilimjuonn̄oul an Kabun̄ in ilo Eprōl 2, 2016, im kiiō jerbal āinwōt būreejtōn eo an Africa South Mijen.