Elder Patricio M. Giuffra

Elder Patricio M. Giuffra ekar emān iiō dettan ke jemān ekar mej jān kānjōr. Āinwōt juon ajri, ekar rūttoļo̧k kajitikin Anij im ļōmņak etke mour ekar lukkuun jab jetjet.

“Jema ekar juon ļeo pālele, juon baba eo em̧m̧an, im rikake” Elder Giuffra ekar keememej an kar ļōmņak. “Etke ej aikuj kar mej?”

Uwaak ko im meļeļe eo raar itok enan̄in jon̄oul iiō tokālik ke Patricio im jinen raar ioon mijenede ro rej jerbal aolep raan im kar bōk gospel eo.

Karōk in lo̧mo̧o̧r ro ekar leļo̧k n̄an e kōjatdikdik eo ekar jipan̄ e meļeļe jako eo an baam̧le eo an. “Jema ekar kōpooj iaļ eo n̄an kōm n̄an kobatok ilo Kabun̄ in ,” ekar ba.

Jān iien eo ekar peptaij, gospel eo an Jisōs Kraist ekar katōt mour eo an Elder Giuffrra . “Kabun̄ ekar ukōt mour eo aō” ekar ba. “Ij en̄jake āinwōt ikar uwaan Kabun̄ in. ”

Juon iien ejenolo̧k ekar waļo̧k ilo 1989 eo ke Elder Giuffra ekar liāp n̄an jinen im jemān im ro jein im jatain remej ilo Ogden Utah Tampeļ. Ālkin kain̄i eo, jinen ekar unoojdikdik n̄an e, “Ikar en̄jake an jemam pād ijin.”

Patricio Mauricio Giuffra Vargas ekar ļotak ilo Valparaíso, Chile, ilo Eprōļ 6, 1962, n̄an Lazaro Dante Giuffra Riffo im Olga Rosa Vargas Canales. Ekar rūttoļo̧k ilo Valparaíso, Chile, im kar m̧areik Maria Eugenia Gonzalez Olmos ilo Santiago Chile Tampeļ ilo 1992. Ewōr emān nejier ajri ro.

Elder Giuffra ekar bōk bachelor degree eo an ilo marketing im translation/interpretation jān Brigham Young University ilo 1990 eo im master of business administration degree eo jān BYU ilo 1994 eo.

Ekar jerbal āinwōt juon purchasing manager n̄an Woodgrain Millwork (1994–96), sale manager im operations manager n̄an Alvenius Chilena (1996–98), im general manager ilo Carbotech Chile (1998–99) im Arcotex SA (2000 n̄an kiiō).

Elder Giuffra ekar jerbal āinwōt juon mijenede ej jerbal aolep raan ilo Chile Osorno Mijen, stake executive rijeje, būreejtōn an Doulul eo an Likao ro ilo stake, bisop, im stake būreejtōn. M̧okta jān kūr eo an āinwōt juon Ritōl Eutiej Jiljilimjuonn̄oul an Kabun̄ in, ekar jerbal āinwōt juon Eria Jiljilimjuonn̄oul ilo South America.