Elder Vaiangina Sikahema

Jān iien eo Vaiangina (Via) Sikahema ekar jino kan̄ōltok itok limo eo an rikappok rikkure ro an kaļōj ko āinwōt Arizona, USA, m̧ōkade football eo an high school, eo kar jeļā kake jān elōn̄ armej ro.

Ekar bwe an m̧ōkade ilo football ilo Brigham Young University, jiāe ilo 1984 eo ippān national championship kumi eo. Ekar ikkure professional n̄an jet kumi ko ilo National Football League kumi ko im kar ruo alen kar kālete n̄an Pro Bowl m̧okta jān an kar juon news boradcaster eo ewejepedik.

Bōtaab “rikkure football” ak “TV anchorman” ekar jab juon wōt me elem̧ōņōno 58 iiō rūttoan.

Ijjan̄in kar pedped ioon eo ej rikkure e professional ak juon rikōm̧m̧an nuuj āinwōt kadkad eo aō,” Elder Sikahema ekar ba, eo kar rejtake āinwōt juon Ritōl EutiejJiljilimjuonn̄oul an Kabun̄ in eo ilo Eprōļ 3, 2021. “Kile eo aō jinoin tata āinwōt juon ļaddik nejin Anij im āinwōt Armej ro Rekwojarjar ilo Raan Ko Āliktata.”

E ej barāinwōt juon ļeo pālele, baba, im rikabwijer priesthood—aolep kadkad ko indeeo.

Kar ļotak ilo Okwōj 29, 1962 ilo Nuku‘alofa, Tonga, n̄an Sione im Rugy Sikahema, Elder Sikahema ekar ļotak im rūttoļo̧k ilo juon em̧ kar watōke kōn baam̧le im tōmak. Rūtto ro an raar ilubwilijin Ritonga ro im̧aan tata raar kobatok ilo Kabun̄ in.

Rūttoļo̧k ilo Mesa, Arizona, ekar likūt iturejet kōppopo ko n̄an erom juon ribaiit ke ekar lo tōļan ko an ilo football. Ke ekar bōk juon scholarship n̄an ikkure ilo BYU, ekar jab ļōmņak in jerbale juon mijen aolep raan.

Bōtaab ikar lo eō make ippān likao ro me ekar m̧wilaļ aer kallim̧ur n̄an mour kōn gospel eo, im ekar ļapļo̧k aō kōņaan erom āinwōt er,” Elder Sikahema ekar ba.

Ilo 1982 eo, ekar ilo̧k jān college football n̄an jerbal ilo South Dakota Rapid City Mijen eo. Jepļaakļo̧k n̄an BYU ālkin mijen eo an, ekar ioon Keala Hader juon armej in Hawaii. Rein ruo raar m̧are ilo Mesa Arizona Tampeļ eo ilo 1984 eo. Sikahema ro rej jinen im jemān emān ajri ro.

M̧okta jān erom juon Ritōl Eutiej an Kabun̄ in, Elder Sikahema eka jerbal āinwōt juon būreejtōn an Doulul eo an Likao ro ilo ward, bisop, regional director of public affairs, rikakpilōklōk in mijen būreejtōnji.