Susan H. Porter

Ālkin an jako ļeo pāleen, Elder Bruce D. Porter, juon Ritōl Eutiej Jiljilimjuonn̄oul, kōn pulmonary infection ilo Tijem̧ba in 2016 eo Sister Susan Porter ekar lo an makeļo̧k iaan ilo m̧weo im̧weer ilo Bountiful, Utah, USA.

Enan̄in epaakeļo̧k ruo iiō ko m̧oka jān jako eo an, liin ekar ito itak im jerbal ippān ke ekar jerbal āinwōt būreejtōn an Europe East Eria eo.

Āinwōt juon eo emej pāleen ekāāl, liin ekar jar kōn tōl. Juon raan liin ekar lo juon pija in Rilo̧mo̧o̧r eo ej kōnono n̄an kōrā in Samaria eo ilo aibōj laļ eo an Jekab (lale Jon 4:6–26). Liin ekar en̄jake an Jetōb eo im̧we n̄an ilo ejja wāween in wōt “jijet ilo neen Rilo̧mo̧o̧r eo im ekkatak, im E enaaj katakin eok.”

An kar Sister Porter ekar kajjieon̄ n̄an epaakeļo̧k Rilo̧mo̧o̧r eo, im Jetōb Kwojarjar eo ekar kaenōm̧m̧an e im kar tōl m̧aanļo̧k e.

“Ijeļā kar kotak eō,” liin ekar ba. “Ekar wōr ippa kajoor im aenōm̧m̧an eo eļapļo̧k jān eo aō make.”

Ilo an ajri in Būraimere ro ipeļakin laļ in jelm̧ae kapan̄pan̄, Sister Porter ej kōņaan bwe ren jeļā bwe Anij ej iakwe er.

“Eļan̄n̄e Jisōs ekar pād ippāer kiiō, E enaaj kar bōk er juon illo̧k juon im kōjeraam̧m̧an er im jar kōn er, ejja āinwōt An kar kōm̧m̧ane n̄an Rinipai ro etto [lale 3 Nipai 17:21]. Ij kōjatdikdik bwe kajjojo ajri enaaj jar kōn jipan̄ eo An im kajjitōk n̄an lo pein jipan̄ eo An ilo mour ko aer make.”

Susan Holland Porter ekar ļotak ilo Juļae 31, 1995, ilo Ponca City Oklahama, USA, n̄an Hans im Charlene Holland. Sister Porter ekar kadiwōjļo̧k jān Brigham Young University eo kōn juon degree in bachelor ilo chemistry. Liin ekar jerbal āinwōt juon jab rijipan̄ im rūkaki in math.

Liin ekar m̧areik Elder Porter ilo 1977 eo ilo Washington D.C. Tampeļ. Ewōr emān nejier ajri ro.

Sister Porter ekar jerbal ilo ko̧o̧njeļ in kapilōk eo an Doulul eo an Kōrā eutiej jān 2017 eo. Kūr ko an m̧oktaļo̧k ekoba rikakpilōklōk ilo būreejtōnji eo an Doulul eo Kōrā ro, būreejtōn an Doulul eo an Kōrā im Doulul eo an Jiron̄ ro an ward eo, rūkaki in Gospel Doctrine eo, im ritōl al an Būraimere.