2021
Kijejeto ko an Humanitarian Rōbōktok Jipan̄
Māe 2021

Kijejeto ko an Humanitarian Rōbōktok Jipan̄

Kabun̄ in ej wōnm̧aanļo̧k wōt ilo kijejeto ko n̄an jipan̄ ro rej pād ilo aikuj ilo aolepān laļ im n̄an leļo̧k humanitarian jipan̄ ko ilo iien jerata ko.

Ilo humanitarian jipan̄ ko reļļap ilo bwebwenato in Kabun̄ in, Latter-day Saints Charities ko (the humanitarian arm of the Church) ekar jipan̄ elōn̄ armej ro ilo iien COVID-19 pandemic eo leļo̧k jāān in jipan̄ im kein jerbal ko n̄an jipan̄ kōn kabōjrak im kōm̧adm̧ōde nan̄inmej eo Kijejeto eo ekar barāinwōt leļok m̧weiuk im kaminene n̄an rijerbal in jikin ājmour ro, ekoba tōl eo kōn ekōjkan leļo̧k jipan̄ ilo kanniōk, ļōmņak, im en̄jake.

Jikin kōm̧m̧an kāān ko im im̧ōn kōm̧m̧an m̧ōn̄ā ko an Kabun̄ in raar okoktak n̄an tōpar ļapļo̧k in aikuj ko, kōm̧m̧ani m̧ōn̄ā ko im m̧weiuk ko bwe ren pojak n̄e aikuji n̄an ritōl ro an Kabun̄ in, agency ko an jukjuk in pād, būrookraam̧ ko an jikuuļ n̄an naajdik, foot bank ko, im doulul ko jet me rekar m̧ōttā ippān Kabun̄ in, ekoba kien ko, doulul ko ipeļaakin laļ in rejjab an kien, im kumi in humanitarian ko jet. N̄an kiiō, Latter-day Saint Charities ko rekar jipan̄ kōn 1,050 COVID-19 būroojāāk in jipan̄ ko ilo 152 laļ ko.

Jān kar kweilo̧k eo eļap ļo̧k, Latter-day Saint Charities ko im ritōl ro ilo peļaak ko im ijo jokwe ie an Kabun̄ raar:

  • Karōk baļintier ro an Pein Jipan̄ ro im kijejeto in jipan̄ ko ālkin jilu hurricane ko raar kakkure Parijet in US jān iturōk iear in Texas n̄an Florida panhandle.

  • Kar jerbal ippān ro m̧ōttan im kōtōbalbal ippān ritōl ro an Kabun̄ in ijo jokwe ie n̄an leļok jipan̄ ālkin Taibuun ko kar eotōk ilo Philippines. En̄oul im̧ōn kabun̄ ko an Kabun̄ in kar kōjerbali āinwōt ecacuation center ko.

  • Itok n̄an jipan̄ armej ro raar jorrāāan jān kijeek ko reļļap ilo 23 stake ko ilo California, idaho, Oregon, im Washington, USA.

  • Kar jerbal ippān juon m̧ōttan n̄an leļo̧k 180 tōn in m̧ōn̄ā ko n̄an jipan̄ armej ro raar pād ilo aikuj ilo Wyoming, Maryland, Michigan, Nebraska, South Carolina, Colorado, Massachusetts, im North Carolina, USA.

  • Kar leļo̧k $1 milien US tala n̄an Salvation Army n̄an jipan̄ leto letak m̧ōn̄ā n̄an elōn̄ļo̧k jān 150 jikin ko ilo aolepān United States.

  • Kar jipan̄ kōn m̧ōn̄ā n̄an 200 jikin kakoņkoņ m̧ōn̄ā ko ilo New York, USA.

  • Kar bōkļo̧k 37,500 baun in nuknuk ko im 171,168 baun in m̧ōn̄ā ko n̄an Honduras, jerbal ippān ritōl ro an kien eo im jukjuk in pād eo n̄an leļo̧k jipan̄ n̄an ro raar mour wōt ālkin ruo hurricane ko.

  • Kar jipan̄ kōn jāān n̄an būrookraam̧ ko me renaaj leļo̧k n̄an 30 milien iien m̧ōn̄ā ko n̄an jikuuļ ko ilo ruwatimjuon laļ ko ilo Africa.

  • Kar bōk eddo in 200 iien elleļo̧k būtōktō ilo aolepān 14 states ko ilo Eria eo an North America Central an Kabun̄ in.

  • Kar jipan̄ leļo̧k n̄an elōn̄ļo̧k jān $200,000 US taļa n̄an kein jipan̄ kōjparok ko an juon make n̄an rijerbal ro an jikin taktō ko im māāj ko n̄an ajri ro ilo jikuuļ ilo Botswana. Jon̄ouljuon jarlepju ko an Kabun̄ in kar ilo ippān doon kiij 8,000 māāj ko n̄an jipan̄ kijejeto eo.

  • Kar leļo̧k $20 milien US tala in jipan̄ ilo rie ņa mejļan COVID-19 eo aolepān laļ in an United Nations International Children’s Emergency Fund (UNICEF), eo enaaj jipan̄ leļo̧k wāā ko n̄an 196 laļ ko.

  • Kar bōkļo̧k 790,400 baun in m̧ōn̄ā ko; 17,000 case in dān ko, mattress ko, im kein jipan̄ ko jet n̄an ro rej aikuj ilo Texas im Oklahoma ālkin lan̄ in m̧ōļo ko reļļap.