Ang mga Pagpadayag ba Miabut gikan sa Dios?

Imahe

article on modern revelation

Sa Nobyembre 1831: Si William E. McLellin naminaw pag-ayo samtang siya naglingkod sa usa ka komperensya sa Simbahan uban ni Joseph Smith ug sa pipila ka uban nga mga elder. Pipila lamang ka adlaw ang milabay, si Joseph mihatag kaniya og usa ka pagpadayag nga mitubag sa lima ka mga pangutana nga gipakigbahin ni William ngadto sa Dios lamang (tan-awa sa Doktrina ug mga Pakigsaad 66). Karon ang mga miyembro sa komperensya nakahukom sa pagmantala sa mga pagpadayag sa Propeta sa usa ka tinigom nga basahon nga gitawag og Basahon sa mga Sugo (sa wala madugay gitawag og ang Doktrina ug mga Pakigsaad).

Ang hagit: Pipila sa mga elder wala motuo nga ang pagpadayag gikan sa Dios. Sila naghunahuna nga ang pinulongan dili igo ka lunsay. Sa pagtubag niana nga pag-angkon, ang Ginoo mihatag og hagit: “Itudlo siya nga mao ang labing maalamon diha kaninyo” sa pagsulat og usa ka butang “nga sama ngadto niini” nga mga pagpadayag. Kon usa makahimo niana, ang mga elder makasulti nga ang mga pagpadayag dili mga tinuod. Kon ang usa dili makahimo, ang mga elder kinahanglan nga “mohatag og kamatuoran” nga ang mga pagpadayag gikan sa Dios (tan-awa sa Doktrina ug mga Pakigsaad 67:5–8).

Ang resulta: Si William, usa ka kanhi magtutudlo sa eskwelahan, gidawat ang hagit sa Ginoo ug naningkamot sa pagsulat og pagpadayag. Napakyas siya.¹ Ang pagkapakyas ni William nakapalig-on sa iyang pagpamatuod kabahin ni Joseph Smith isip usa ka propeta. Kauban sa ubang mga elder diha sa komperensya, si William mipirma og usa ka pahayag nga nagpahayag nga siya nasayud “pinaagi sa Espiritu Santo” nga ang mga pagpadayag “gihatag pinaagi sa inspirasyon sa Dios” ug nga kini “mapuslanon alang sa tanan nga mga lalaki ug kini sa pagkatinuod mga tinuod.”²