Unsa Ang Zion?

Pinaagi ni Propeta Joseph Smith, ang Ginoo misugo sa mga Santos sa Ulahing mga Adlaw niadtong 1831 sa pagpundok ug pagtukod sa Zion didto sa Independence, Missouri (tan-awa sa Doktrina ug mga Pakigsaad 62:2–4; 63:24–48). Ania ang pipila ka mga paghulagway niini niana nga panahon:

Kini diha sa usa ka rehiyon nga naglangkob lamang og “duha o tulo ka mga tindahan nga namaligya, ug kinse o baynte ka puy-anan nga mga balay, natukod kasagaran sa mga troso nga gisapsapan ang isig ka kilid.”¹

Lain mihulagway sa Independence isip “puno sa saad” apan naglangkob lamang og “lima o unom ka walay sipilya nga troso nga mga payag, duha o tulo ka binungbongan og nipis, tag-as, nga gisapaw pagpahigda nga mga tabla nga mga balay, duha o tulo nga gitawag og murag mga hotel, nga karaang ginganlan og dautan og dungog nga dapit nga tigpamaligya og makahubog nga alkohol; [ug] pipila ka mga tindahan.”²

Si Eliza Lyman mihulagway kon unsa ka diyutay ang iyang pamilya aduna human sa pagbalhin didto: “Kami … mipuyo sa usa ka gamay nga tisa [brick] nga balay nga giabangan sa akong amahan alang sa tingtugnaw, tungod kay siya wala pay panahon sa pagtukod. Kabus kaayo kami nga nagpuyo niana nga tingtugnaw, tungod kay ang mga tawo niana nga nasud dili gusto og daghan kon dili pinauga nga unod sa baboy [ug] pan nga binlod ug diyutay kaayo sa bisan unsa ang gitanom; sa ingon dihay gamay ra kaayo nga mapalit, apan nahinumdom ako nga kami adunay usa ka barel nga dugos ug unsay utanon nga among makuha, apan walay pan nga trigo, tungod kay ang trigo dili mabaligya diha sa nasud.“³

Gikan niining ordinaryong sinugdanan, ang mga Santos mitukod og nagkapuliki nga komunidad sa 1,200 ka mga indibidwal sa pagka-Hulyo 1833. Hinoon, sa wala madugay niana nga tinglarag, ang manggugubot nga panon mipapahawa kanila gikan sa distrito ug dayon, niadtong 1838, gikan sa tibuok estado sa Missouri.