2021
Aoao atu e uiga i le Tausia o Feagaiga ma le Fausiaina o Siona
Setema 2021

Mo Matua

Aoao atu e uiga i le Tausia o Feagaiga ma le Fausiaina o Siona

Ata
family having home evening

ata na pueina e Alexandre Borges

Matua Pele,

I le lomiga lenei, matou te faamoemoe o loo outou fiafia i tusiga i le tausiga o feagaiga, fausiaina o Siona, iloaina o togafiti a Satani, ma isi. O lenei itulau o loo i ai manatu mo le faaaogaina o lenei lomiga e fesoasoani ia te oe e aoao atu ai nei autu i lou aiga.

Talanoaga o le Talalelei

Feagaiga ma Faamanuiaga

O a feagaiga, ma o le a le uiga o le osia o se feagaiga? I lana tusiga i le itulau 30, o loo tali ai e Elder Randy D. Funk o le Fitugafulu ia fesili nei. Faaaoga le tusiga lenei e fesoasoani ai ia te oe e talanoaina fesili nei ma lou aiga: O a feagaiga ua uma ona e osia, ma o le fea o loo e sauniuni e osia? E mafai faapefea ona sili atu ona tatou tausia a tatou feagaiga? O a ni faamanuiaga ua e maua mai le osia o feagaiga?

Fausiaina o Siona

Fesili atu i lau fanau pe o le a so latou manatu i le uiga o Siona . Ona faaaoga lea o le tusiga a Elder Gerrit W. Gong “Aumai i Luma Siona” i le itulau e 6 e fesoasoani ia i latou e aoao atili ai e uiga i le uiga o Siona i le taimi ua tuanai ma le aso. Mafaufau e talanoaina auala e mafai ai e lou aiga ona fesoasoani e fausia Siona i totonu o lou fale ma i lou nuu.

Puipuia mai ia Satani

Faailoa mai nisi o manatu autu ma upusii o loo i le “Iloaina o Togafiti a lo Tatou Fili” i le itulau e 20 ma talanoaina ma lou aiga nisi o auala e ono faaosoosoina ai i latou e Satani. Talanoa i nisi o auala e mafai ona outou galulue faatasi ai e faamalosia le tasi ma le isi e faasaga i nei faaosoosoga.

O Fesoasoani mo Suesuega mai leSau, Mulimuli Mai ia te A’u

Tagai i le itulau e 26 mo tusiga e uiga i autu eseese i le Sau, Mulimuli Mai ia te A’u e lagolago ai lau suesuega o le Mataupu Faavae ma Feagaiga i lenei masina.

Sau, Mulimuli Mai ia te A’u Mea Faafiafia a le Aiga

Ata
a sister and a brother at a table together

Faamanuiaga mai le Malumalu

Mataupu Faavae ma Feagaiga 109

Na faapaiaina le Malumalu o Katelani i le aso 27 Mati, 1836. O le tele o aafiaga faaleagaga na faamaumauina mai lenei mea na tupu.

  1. Faitau e ala i ni nai tala mai le vaega “Leo o le Toefuataiga” i le faaiuga o le lesona o le aso 27 Setema–3 Oketopa i le tusi lesona o le Sau, Mulimuli Mai ia te A’u.

  2. E mafai e tamaiti laiti ona tusi se ata o le malumalu o Katelani.

  3. Talanoa e uiga i le pe faapeī le auai ai i le faapaiaga o le malumalu o Katelani. O a ni faamatalaga mai le tala e tulagaese ia te oe?

  4. Usu le “O le Agaga o le Atua” (Viiga, nu. 2), lea na tusia mo lenei faapaiaga o le malumalu.

Talanoaga: Aisea e taua ai malumalu ia te oe? Faasoa atu ni aafiaga faaleagaga na e maua ona o malumalu.

Lio o le Lotofaafetai

Mataupu Faavae ma Feagaiga 98:1

“E Moni Ou te fai atu ia te outou aʼu uo, aua le matatau, ia faamafanafanaina o outou loto; ioe, ia saga olioli pea, ma ia avatu le faafetai i mea uma” (Mataupu Faavae ma Feagaiga 98:1).

  1. Tu i se lio ma uulima faatasi ma tagata o le aiga o loo i ou autafa.

  2. E amata e se tagata i le fai atu o se mea na te lotofaafetai ai, ona oomi lea o le lima o le tagata i le itu taumatau po o le agavale.

  3. Ona faasoa mai lea e lena tagata se mea o le lotofaafetai ma oomi se lima, lea e valaaulia ai lena tagata e faasoa mai se mea o le lotofaafetai.

  4. Vaai pe o le a le umi e mafai ai ona faaauau le li’o o le lotofaafetai.

Talanoaga: E faapefea ona pei e faateleina le lotofaafetai e ala i le faaalia o le lotofaafetai? E faapefea ona avea le lotofaafetai ma se faamafanafanaga? E faapefea ona “faamafanafanaina o outou loto”?