iTekitekivu kei na Veiyalayalati Makawa

iVakatakilakila

Jesus Christ with stars in background

Karisito kei na Veibuli, mai vei Robert T. Barrett

Sa itekivu ni dua na yabaki vou, ka vaka me dua na gauna vinaka me vakasamataki kina na itekitekivu.

Ena yabaki oqo, na Veiyalayalati Makawa kei na Mataniciva Talei ena kauti keda ena dua na ilakolako ni so na itekitekivu bibi ka veivakurabuitaki e kilai ki na kawatamata.

E rawa ni da yaco me da kilai Jisu Karisito vakavinaka cake, o koya a tiko vata kei na Tamada “ena ivakatekivu” (Eparaama 4:1). Eda rawa ni wilika me baleta na Buli ni vuravura kei na itekivu ni bula vakayago. E rawa ni da vulica me baleta na itekitekivu ni veivutuni, matavuvale, ivakaro, kei na sokalou ena valetabu ena vuravura oqo. E rawa ni da vulica na itekivu ni veiyalayalati tabu ka tomani tiko me bulia na noda bula nikua.

Ka kevaka eda sa bera ni se taleitaka na Veiyalayalati Makawa, nikua e rawa ni vakatakilakilataka na itekivu ni dua na gauna vou ni vuli kei na vakadidike. Ena tabana e 20, au wasea eso na dina a vukei au meu marautaka vakalevu cake na ivola ni ivolanikalou oqo ka raica na kena ivakavuvuli ena kaukauwa kei na inaki vou e veivakabulabulataki. Ena tabana e 26, e raica kina o Peresitedi Mark L. Pace, Peresitedi Raraba ni Matawilivola ni Sigatabu na veivakalougatataki mana eda rawa ni ciqoma kevaka eda sa lomasoli meda wilika “ena gugumatua kei na masumasu.”

Ena dela ni veika kece, me da nanuma tiko ni itekitekivu vou ni dua na bula taucoko e rawa ni yaco ena vuku i Jisu Karisito. Ena itukutuku nei Elder Quentin L. Cook ena tabana e 6, e vakadinadinataka ni “veika kece e sega ni vakayali” baleta ni waraki keda tu na noda iVakabula ena yalololoma ni veiciqomi. Ena Nona loloma soliwale, sa rawa kina vei keda me da tomana na ilakolako vakayalo era a tekivuna na tubuda makawa ena vuqa na yabaki sa oti.

Au nuitaka ni yabaki oqo ena vakasinaiti ena vei itekitekivu totoka vei keda vakayadua sara!

Marissa Widdison

iVukevuke ni Manidia Edita, App ni Bulataki ni Kosipeli