Ki vei Ira na iTubutubu
Na iTuvatuva ni Kalou e Baleti iKo
Kemuni na iTubutubu,
Ni da vulica na iyaloyalo, ivakatakarakara, kei na ivakavuvuli ni Veiyalayalati Makawa, e rawa ni da kila vakavinaka cake na ituvatuva nei Tamada Vakalomalagi me baleti keda kei na itavi i Jisu Karisito ena ituvatuva oya.
Na itukutuku eso ena ilavelave ni vula oqo e rawa ni solia vei iko eso na vakasama ni nodra vakavulici na gone mai na Veiyalayalati Makawa kei na veika baleta na ituvatuva ni Kalou me baleti keda.
Sa Vakarautaka Tu na Tamada Vakalomalagi e Dua na iTuvatuva Vakalou baleti Ira na Luvena
Cava na vuna e bibi me kilai vakamatata kina na yavu ni veivakabulai ni Kalou? Vakayagataka na “Yavu Vakosipeli” ena tabana e 10 mo vakavulici ira kina na luvemu ena bibi ni Lutu nei Atama kei Ivi. Sa rawa ni dou tauyavutaka vata e dua na lisi ni veivakalougatataki kei na madigi e noda ena bula oqo baleta ni da lako mai ki vuravura.
Ni wiliki oti na itukutuku nei Elder Quentin L. Cook ena tabana e 6, veivosakitaka vakamatavuvale na veivakalougatataki e yaco mai ki na nomu bula ena nomu kila ni tiko e dua na ituvatuva ni Kalou me vakabulai ira na Luvena.
Vulici ni Veiyalayalati Makawa
Vakatorocaketaka na nomu vulica na Veiyalayalati Makawa ena nomu wilika na itukutuku ena tabana e 20 kei na 26. Na cava o vulica ka vukei iko mo kila vakavinaka na Veiyalayalati Makawa? Veivosakitaka ena masumasu kei na nomu matavuvale na lalawa cava soti e tiko vei iko me baleta na nomu vulica na Lako Mai, Mo Muri Au ena yabaki oqo.
Rai titobu mai na Lako Mai, Mo Muri Au
Raica na tabana e 30 me baleta e dua na ivakamacala vakaiyaloyalo ni Veibuli kei na iyaya tale eso me tokona na nomu vuli ena Lako Mai, Mo Muri Au.