Ang Mahimong Mas Maayo nga Walay Kapait

Imahe

a woman with eyes closed

Isip mga anak sa Dios niining yutan-ong kamingawan, kita kanunayng makahimo og kasaypanan, dili maalamon nga mopili, ug mobati nga nabug-atan sa mga pagduhaduha ug kawalay paglaom. Ang atong mahigugmaong Amahan nasayod nga ang atong mga panahon sa kalisdanan makapalambo kanato ug mopadangop kanato ngadto Kaniya alang sa balaanong koreksiyon, direksiyon, ug koneksiyon.

Ang plano sa Dios sa kalipay naglakip og mga pakigsaad nga makapalig-on kanato ug mobugkos kanato ngadto Kaniya. Gamit ang ehemplo sa usa ka matinud-anong kaigsoonan, si Elder Neil L. Andersen nagtudlo kanato kon unsa ang kahulogan sa pagkahimong katawhan sa pakigsaad (tan-awa sa pahina 6).

Samtang ako nagtuon ug mihatag og mga presentasyon kabahin sa kalipay, kalig-on, ug pagpalambo sa mga pamilya, mas klaro nakong nakita kon sa unsang paagi ang Dios anaa gayod sa mga detalye sa mga kinabuhi. Sa pahina 16, akong gipaambit ang usa ka mensahe nga naglakip og upat ka hugpong sa mga pulong nga makatabang sa paghatag og paglaom ug panglantaw kon ang tanan ingon og nawala na.

Ang rason kon nganong adunay kalinaw diha sa dalan sa pakigsaad mao nga kining higpit ug pig-ot nga dalan direktang mopadulong ngadto sa Prinsipe sa Kalinaw, si Jesukristo. Siya mao ang dalan. Ug ang Iyang dalan mopadulong ngadto sa “kalinawniini nga kalib[o]tan, ug kinabuhi nga dayon sa kalib[o]tan nga umaab[o]t” (Doktrina ug mga Pakigsaad 59:23).

Inubanan sa gugma,

David Schramm

Associate Professor sa Human Development and Family Studies sa Utah State University