Panagbingkil Giusab ngadto sa Gugma

Imahe

Si Jose sa Ehipto nakig-uli sa iyang mga igsoong lalaki

Jose sa Ehipto, ni Michael T. Malm

Kita usahay makasinati og kasungian sa atong mga relasyon. Ang pagkahibalo kon unsaon sa pag-usab sa makadaot nga kasungian ngadto sa makapalig-on nga kasungian mao ang kritikal ngadto sa atong pagkatawo. Apan kita nanglimbasog gayod niini.

Ang makadaot nga kasungian makapaluya kaayo nga mga pagbati. Ang panagbingkil dali kaayong mokuyanap. Ang atong mga opsiyon limitado kaayo. Kita mobati og kaluya ug kabalaka. Ang naguba nga mga relasyon ug nabahin nga mga komunidad mapasagdan nalang.

Apan kita mahimo ra gayod nga istoryahan ang mga kasungian, diin kina makakaplag og kagawasan gikan sa pagkanegatibo sa panagbingkil. Makaugmad kita og kaangayan ug kaluoy, kalig-on sa atong mga relasyon, ug sulbaron ang lawom nga lintunganay sa mga problema. Ang kalinaw posible—diha sa atong mga relasyon ug sa atong mga komunidad.

Isip usa ka tigpataliwala sa kasungian, usa ka bana, ug usa ka amahan, akong nasuta nga ang ebanghelyo ni Jesukristo makadala kanato og kahayag ug kalig-on nga gikinahanglan sa pag-usab sa panagbingkil ngadto sa gugma.

Niining isyu inyong mabasa ang mahitungod kon sa unsang paagi si Jacob, Esau, ug si Joseph nakahimo sa pakig-uli sa mga kasungian sa ilang mga pamilya ug sa unsang paagi nga kita makahimo sa ingon diha sa atong mga panimalay ug sa komunidad (tan-awa sa pahina 26). Mabasa usab ninyo ang talandugon nga artikulo ni Elder D. Todd Christofferson kalabot kon sa unsang paagi ang kalisdanan makapalambo kanato kon kita modangop ngadto sa Ginoo alang sa tabang (tan-awa sa pahina 6).

Daghan kanato nagpas-an og daghan kaayong kasakit mahitungod sa naguba nga mga relasyon sa panimalay ug sa kalibotan. Ako manghinaot nga kini nga isyu makahatag og paglaom ngadto niadtong kinsa gibati nga ang pakig-uli walay paglaom, nga kini makadasig og hugot nga pagtuo nga kita wala nag-inusara, ug ang labing importante, nga kita mobati sa gugma ni Jesukristo sa paagi nga dili lang mousab sa atong kasingkasing apan sa mga kasingkasing usab niadtong kang kinsa kita naglisod.

Mainitong pagbati,

Chad Ford

Professor sa Intercultural Peacebuilding, Brigham Young University–Hawaii