Mga Pagkasusama tali ni Jose sa Ehipto ug ni Jesukristo

Ang Daang Tugon naglangkob og daghang panagna, istorya, ug simbolo nga naghulagway na sa kinabuhi ug misyon sa Manluluwas, si Jesukristo. Usa niini nga mga istorya mao ang istorya ni Jose sa Ehipto.

Imahe

nagkalainlain nga imahe, sama sa usa ka karnero ug usa ka piraso sa pan, aron sa paghulagway sa mga pagkasusama tali ni Jose sa Ehipto ug ni Jesukristo

Mga paghulagway pinaagi ni Andrew Colin Beck

Jose sa Ehipto	Jesukristo
Si Jose usa ka magbalantay og karnero (tan-awa sa Genesis 37:2).	Usa sa mga ngalan ni Kristo mao ang “maayong magbalantay sa mga karnero” (Juan 10:11).
Si Jose gibaligya isip usa ka ulipon ngadto sa Ehipto (tan-awa sa Genesis 37:26–28).	Gibudhian si Jesus alang sa 30 ka buok nga plata—ang balor sa usa ka ulipon (tan-awa sa Exodo 21:32; Mateo 26:15).
Ang mga igsoon nga lalaki ni Jose wala nakaila kaniya sa dihang miabot sila sa Ehipto aron mopalit og pagkaon (tan-awa sa Genesis 42:7–8).	Ang katawhan ni Kristo wala nakaila Kaniya isip ang Manluluwas (tan-awa sa Lucas 4:22, 28–29; Juan 1:10).
Si Jose mipaila sa iyang kaugalingon ngadto sa iyang mga igsoon nga lalaki sa dihang miabot sila aron makig-istorya kaniya sa ikaduhang higayon (tan-awa sa Genesis 45:1–5).	Si Kristo ipaila ngadto sa Israel sa Iyang Ikaduhang Pag-anhi (tan-awa sa Mateo 24:30–31; Doktrina ug mga Pakigsaad 88:104).
Pinaagi sa pagsunod sa giya sa Dios, si Jose adunay igong pan aron sa pagluwas sa Ehipto gikan sa kagutom (tan-awa sa Genesis 47:13–19).	Si Jesukristo mao “ang pan nga naghatag sa kinabuhi” (Juan 6:35; tan-awa usab sa bersikulo 51).