E ’ore roa ’outou e vai ’ōtahi noa

’Ua fāri’i a’ena ānei ’outou i te mana’o ’ōtahi ’aore rā, tē mata’u nō te mea e tae mai ? ’Ua fāri’i te tāvini ’o Elisaia i te reira ato’a i tōna ’itera’a i te nu’u pua’ahorofenua ’e te pere’o’o huira ’ati a’e ia Dothan, te ’oire ai’a o Elisaia.

Hōho’a

mau fa’ehau e fa’atoro ra i te te’a i ni’a i te patu

Fa’ahōho’ara’a nā Denis Freitas

Ma te mata’u, ’ua pi’ihua te tāvini ia Elisaia, « e tā’u Fatu ē ! E aha tātou nei ? » (2 Te mau Ari’i 6:15).

Hōho’a

mau pere’o’o auahi

Ma te fa’aro’o, pāhono mai ra Elisaia, « ’Eiaha e mata’u : E rahi tō tātou e iti tō rātou » (’īrava 16). I muri a’e i tō Elisaia purera’a i te Fatu ’ia fa’a’ara’ara i te mata o tōna tāvini, ’ua ’ite te tāvini « i te mau pua’ahorofenua ’e te pere’o’o auahi i te hā’atira’a ia Elisaia » (’īrava 17).

« E nehenehe ato’a ’outou i te tahi taime, mai te tāvini, e fifi ’ia ’ite ē, e mea nāhea te Atua i te ’ohipara’a i roto i tō ’outou orara’a—i te mau taime e mana’o ’outou ē, ’ua tāhiti roa ’outou—’ia fa’atūturi ana’e te mau tāmatara’a o te tāhuti nei ia ’outou. ’A tīa’i ’e ’a ti’aturi i te Atua ’e i tāna tārena taime, nō te mea, e nehenehe ’outou e ti’aturi i tōna ’ā’au ma tō ’outou ’ā’au ato’a … E nehenehe ato’a ’outou e pure ’ia fa’a’ara’ara te Fatu i tō ’outou mata ’ia ’ite ’outou i te mau mea ’o tē ’ore e ’itehia e ’outou » (Michelle D. Craig, « Mata nō te hi’o », Liahona, Novema 2020, 15).

E’ita paha tātou e ’ite i te reira, tē hā’ati nei rā te Fatu ’e tāna nu’u melahi ia tātou (hi’o Te Parau Ha’api’ira’a ’e te mau Fafaura’a 84:88). « Nō tātou te Atua ra, e ti’a ’ia vai ’ia mārō mai ? (Roma 8:31).