Me iSakisaki ni Tabagone iDusidusi Vakavoui

Sa railesuva na Lotu na idusidusi me baleti ira na itabagone Yalododonu Edaidai. Me iSakisaki ni Tabagone: iDusidusi ni Caka Digidigi sa sureti ira na tabagone ni cakacakataka na nodra galala ni digidigi ka qara na veivakauqeti ni kena bulataki na ivakarau ni kosipeli.

“O Jisu Karisitona idusidusi vinaka duadua ni nomu vakayaco digidigi tu. Jisu Karisito na isakisaki ni tabagone,” a vakatavulica o Elder Dieter F. Uchtdorf ena Kuoramu ni Apositolo Le Tinikarua ena soqoni ni koniferedi raraba ena mataka ni Vakarauwai. “Na inaki ni Me iSakisaki ni Tabagone o ya me dusimaki iko Vua. E vakatavulici iko ena dina tawamudu baleta na Nona kosipeli vakalesui mai—na dina me baletia ocei oiko, o cei o Koya, kei na ka o rawa ni rawata ena Nona kaukauwa” (“O Jisu Karisito na iSakisaki ni Tabagone,” Liaona, Nove. 2022, 10–11).

Sa vakauqeti na itabagone mera vakayagataka na ivakavuvuli eso ena idusidusi mera vakayaco digidigi dodonu kina ena veituvaki kece ni nodra bula. Sa rawa vei ira na itubutubu, iliuliu, kei na itabagone mera vulica ka wasea na idusidusi e vale, ena soqoni ni Sigatabu, kei na itaviqaravi eso, oka kina na keba kei na koniferedi ni tabagone. Sa rawa nira vakadreta wasoma na veiliutaki ni Cauravou kei na Goneyalewa na ivakavuvuli era tiko ena idusidusi. Na ivakavuvuli eso oqori sa rawa talega ni muataki kina dua na bogi tudei vakayabaki ni tabagone kei na nodra itubutubu.

Sa tiko ena sala vakalivaliva na idusidusi vou ena 50 na vosa ena wase ni Tabagone ena Gospel Library kei na youth.ChurchofJesusChrist.org. Na veilavelave tabaki sa na vakau kina tabanalevu kei na tabana eso e vuravura raraba.