Vakaleleleka ni veika mai na ika 192 ni Koniferedi Raraba Vakavulaono

A vakacegui tu na Lomanibai ni Valetabu ena ika 192 ni Koniferedi Raraba Vakavulaono ni Lotu. A cegu tu na rorogo ni kena tara na rara kei na vakavinakataki ni tatarovi ni uneune ena Valetabu vakairogorogo e Salt Lake.

Ia a vakatawana na noda itikotiko kei na lomada e duatani na mataqali vakacegu nida cegu tu mai na rorogo kei vuravura ka vakarorogo vei ira na parofita kei na apositolo bula.

“Mai na itutu ni vunau nikua kei na mataka, oni na rogoca tikoga na dina,” a vakatavulica o Peresitedi Russell M. Nelson ena serau matau oya ni matana. “Masuta na Turaga me vakadeitaka ni sa dina na ka o rogoca tu” (raica na tabana 29).

Ena gauna taucoko ni koniferedi, era vakavulica na vakaitavi na vaqaqacotaki dina ni vakadinadina, oka kina na caka kei na maroroi na veiyalayalati tabu (raica na tabana 95 kei na 73), ciqomi ni vakatakila yadua (raica na tabana 16), kei na bula vakatisaipeli (raica na tabana 77).

“Ni o vakuria tu na vaqaqacotaki ni nomu vakadinadina me baleti Jisu Karisito me ka bibi duadua vei iko,” a kaya o Peresitedi Nelson, “sarava na cakamana ena yaco ki na nomu bula” (raica na tabana 95).

Ni cava tu na koniferedi raraba, sa tekivu tale na cakacaka ena Valetabu e Salt Lake. Na cakacaka kei na vakavakarau sa tekivutaki talega ena 125 na valetabu e vuravura raraba ka sa kacivaki se tara tiko. Oqo e oka kina e 18 na valetabu vou ka a kacivaka o Peresitedi Nelson ena iotioti ni soqoni ni koniferedi (raica na tabana 121).

“Sa cakava tiko na Nona valetabu [na Turaga] me voleka vakalevu sara,” a kaya o Peresitedi Nelson. “E sa vakusakusataka tiko na iwalewale ni kedra tara tu na valetabu. E sa vakalevutaka tiko na noda sasaga ni vukea na vakasoqoni i Isireli” (raica na tabana 121).