Sa Peresitedi Ni Lotu Qase Duadua Tu Oqo o Peresitedi Nelson

Sucu ena ika 9 ni Sepiteba, 1924, se qai marautaka toka ga oqo o Peresitedi Russell M. Nelson na ika 98 ni nona siganisucu. Ena ika 14 ni Epereli, 2022, e yaco me Peresitedi qase duadua o koya ena itukutuku ni Lotu.

Ni vakananumi tu na veiqaravi kei na bula i Peresitedi Nelson, a kaya o Peresitedi Dallin H. Oaks, na Matai ni Daunivakasala ena Mataveiliutaki Taumada, “Sa dua na iliuliu vakauqeti ka vuku o koya ka sa turaga yalomalua ka totoka duadua o na nuitaka tu mo veimaliwai kaya.”

A vakaraitaka o Peresitedi Henry B. Eyring, na Karua ni Daunivakasala, na nona nanuma ena itavi i Peresitedi Nelson vaka parofita ni Turaga: “Ena veigauna kece eda lako tani mai na valenivolavola, au kaya kei Peresitedi Oaks, ‘Sa yaco tale.’ O na raica ga ni basika tu na vakatakila. O na raica na nona taro vakasala, ka na qai basika na vakatulewa ka kila tu na tamata kecega ena rumu ni sa dodonu ka sa mai vua na Kalou. A kaya malua tu ga o koya, ‘Au nanuma oqo na ka e vinakata na Turaga meda cakava.’ E sa ka tu ni veigauna.”