“O Le Areto o le Ola,” Liahona, Tes. 2022.
Sau, Mulimuli Mai ia te A’u
Mika
O Le Areto o le Ola
Soifua mai o Iesu, saunia e David Cooke, ua taofia aia tatau uma i le 2022 / Bridgeman Images
I lenei tausaga atoa i a tatou suesuega o le Feagaiga Tuai, ua tatou iloa ai le tele o faatusa e fesoasoani ia i tatou e faalolotoina ai lo tatou alolofa ma le malamalama i le Alii ma le Faaola, o Iesu Keriso. O se tasi o nei faatusa, e ui ina itiiti le manino nai lo le tele o isi, o le nuu na soifua mai ai le Faaola—o Peteleema.
E uiga i le nuu na soifua mai ai le Faaola, na tautino mai ai e le perofeta o Mika, “O oe, Peteleema Efarata, e ui ina itiiti oe i le afe o Iuta, ae tupu mai ia te oe mo a’u o lē o le na te fai ma faipule ia Isaraelu; o lona tupu mai talu mai anamua lava, talu mai ona po o le vavau lava” (Mika 5:2).
“Ua fetalai atu Iesu ia te i latou, “O au nei le areto o le ola: o lē sau ia te au, e lē laina lava ia” (Ioane 6:35).
Faamatalaga mai Ia Manatua Pea o Ia, saunia e Robert T. Barrett
Na aoao mai Peresitene Russell M. Nelson: “Sa ia filifili e fanau i Peteleema, e sosoo ma Ierusalema. Aisea ea Peteleema? Pe o i ai se taua faafaatusa i le uiga o le igoa Peteleema, o lona uiga i le faaEperu o le ‘fale o le areto’? Sa tautino atu e le Tausi Sili o Ia lava o le ‘areto o le ola.’ (Tagai i le Ioane 6:48.) E maeu le talafeagai faapea o Ia, o le “areto o le ola,”o le a afio mai le “fale o le areto.”1