« ការណាត់ទៅព្រះវិហារបរិសុទ្ធជាក្រុមអាចដាក់កាលវិភាគតាមអនឡាញបាន » លីអាហូណា ខែ វិច្ឆិកា ឆ្នាំ ២០២៣ ។
ការណាត់ទៅព្រះវិហារបរិសុទ្ធជាក្រុមអាចដាក់កាលវិភាគតាមអនឡាញបាន
ឥឡូវនេះ ពួកបរិសុទ្ធថ្ងៃចុងក្រោយអាចដាក់កាលវិភាគណាត់ជាក្រុមសម្រាប់ពិធីបរិសុទ្ធជំនួសទាំងអស់ ដោយប្រើប្រព័ន្ធអនឡាញសម្រាប់ការណាត់ទៅព្រះវិហារបរិសុទ្ធ ។ ពីមុនមក ប្រព័ន្ធនេះបានអនុញ្ញាតឲ្យធ្វើការណាត់ជាក្រុមសម្រាប់ពិធីបរិសុទ្ធនៃពិធីបុណ្យជ្រមុជទឹក និងពិធីផ្សារភ្ជាប់ជំនួសតែប៉ុណ្ណោះ ។
មុខងារថ្មីនេះនឹងក្លាយជាការបន្ថែមដ៏ស្វាគមន៍មួយសម្រាប់គ្រួសារ និងមិត្តភក្តិទាំងឡាយ ដែលចង់ចូលរួមព្រះវិហារបរិសុទ្ធជាមួយគ្នា ។ ក្រុមធំៗដូចជាវួដ និងស្តេកត្រូវបានស្នើឲ្យបន្តការបម្រុងទុកតាមអ៊ីម៉ែល ឬទូរសព្ទដដែល ។
នៅពេលដាក់កាលវិភាគការណាត់ជួប សូមពិនិត្យមើលប្រអប់ដែលដាក់ស្លាកថា « ភ្ញៀវបន្ថែម » ហើយវាយបញ្ចូលចំនួនសមាជិកប្រុស និងស្រីទាំងឡាយដែលនឹងចូលរួម ។ ទំហំក្រុមអតិបរមាមានភាពខុសគ្នាតាមព្រះវិហារបរិសុទ្ធ ហើយផ្អែកលើចំនួនអ្នកធ្វើការនៅក្នុងព្រះវិហារបរិសុទ្ធនោះ ។
អ្នកធ្វើការក្នុងព្រះវិហារបរិសុទ្ធនឹងមើលការណាត់ជួបនោះ នៅពេលភ្ញៀវមកដល់តុទទួលប័ណ្ណចូលព្រះវិហារបរិសុទ្ធ ហើយនឹងនាំភ្ញៀវទាំងនោះ នៅពេលពួកគេមកដល់ ។